VIDEO : कोल्हापुरी चप्पल अन् फेटा! सचिन तेंडुलकरचा मराठमोळा लूक व्हायरल

पुणे : भारताचा माजी क्रिकेटपटू मास्टर ब्लास्टर सचिन तेंडुलकरच्या घरात लगीनघाई सुरू आहे. सचिनच्या मोठ्या भावाच्या मुलीचे लग्न पुण्यात पार पडले. यावेळी सचिन तेंडुलकर देखील उपस्थित होता. या लग्नातील त्याचा मराठमोळा लूक सध्या सोशल मीडियावर व्हायरल होत आहे. (Sachin Tendulkar Kolhapuri Chappal Feta Traditional Marathi Look During niece wedding Video Gove Viral)

सचिन तेंडुलकरने फेसबुकवर आपल्या पुतणीच्या लग्नातील काही फोटो शेअर केले. या फोटोंना त्याने 'पुतणीच्या पुण्यात झालेल्या लग्नाला उपस्थित राहून कुंटुंबासोबत काही चांगले क्षण घालवले.' असे कॅप्शन दिले.

दरम्यान, सचिन तेंडुलकरने या लग्नावेळी मराठमोळा फेटा देखील बांधला होता. हा फेटा बांधतानाचा व्हिडिओ सचिनने आपल्या फेसबुक अकाऊंटवरून शेअर केला.