PSL Opening Video Viral : पाकिस्तान सुपर लीग सीझन 8ला कालपासुन सुरूवात झाला. हंगामाची नेहमीप्रमाणेच मोठ्या धूमधडाक्यात सुरु झाला. लाहोर कलंदर आणि मुलतान सुलतान यांच्यातील सामन्यापूर्वी मैदानावर संगीत आणि फटाक्यांची आतषबाजी करण्यात आली. फटाके हा या उत्सवाचा केंद्रबिंदू होता.
यादरम्यान अशी एक घटना घडली ज्याने चाहत्यांचे लक्ष वेधून घेतले आहे. प्रकाश आणि धूर कमी झाल्यावर फटाक्यांच्या प्रदर्शनामुळे मैदानात काहीतरी गडबड झाल्याचे दिसून आले. खरं तर जास्त फटाक्यांमुळे, फ्लडलाइट टॉवरपैकी एक खराब झाला आणि आग लागली.
पाकिस्तानमधील मीडिया रिपोर्ट्सनुसार, पाकिस्तान सुपर लीग (PSL) च्या 2023 सीझनचा पहिला सामना उशीर झाला कारण उद्घाटन समारंभात फटाक्यांच्या आतषबाजीमुळे मुलतान क्रिकेट स्टेडियममधील फ्लडलाइट्सच्या काही भागाला आग लागली.
सोशल मीडियावर पोस्ट केलेल्या व्हिडिओमध्ये फ्लडलाइट्सला आग लागल्याने सामना पाहण्यासाठी जमलेल्या चाहत्यांमध्ये घबराट झाली. अग्निशमन दल आल्यानंतर आग आटोक्यात आणण्यात आली. या घटनेमुळे लाहोर कलंदर आणि मुलतान सुलतान यांच्यातील सामना लांबला.
मुलतान सुलतान संघाने नाणेफेक जिंकून प्रथम गोलंदाजी करण्याचा निर्णय घेतला. फखर जमानच्या 66 धावांच्या खेळीमुळे लाहोर कलंदर संघाने निर्धारित 20 षटकात 6 गडी गमावून 175 धावा केल्या होत्या. मुलतान सुलतान संघ केवळ 174 धावाच करू शकला आणि सामना 1 धावाने गमावला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.