दुबई : संयुक्त अरब अमिरीतीमध्ये सुरू होत असलेल्या युएई टी 20 लीग (UAE T20 League) स्पर्धेत कोलकाता नाईट रायडर्स ग्रुपने अबू धाबी फ्रेंचायजीचे मालकी हक्क मिळवले आहेत. ही फ्रेंचायजी अबू धाबी नाईट रायडर्स (ADKR) या नावाने ओळखली जाणार आहे.
टी 20 क्रिकेटमध्ये नाईट रायडर्स (Knigts Riders) हा एक चांगला ब्रँड झाला आहे. त्यांनी 2008 मध्ये कोलकाता नाईट रायडर्स संघाची मालकी मिळवली होती. त्यानंतर त्यांनी 2015 मध्ये कॅरेबियन प्रीमियर लीगमध्ये ट्रिनबॅगो नाईट रायडर्स हा संघही विकत घेतला. याचबरोबर काही दिवसांपूर्वी नाईट रायडर्स ग्रुपने अमेरिकेतील मेजर लीग क्रिकेटमध्ये देखील मोठी गुंतवणूक केली आहे. त्यांनी ग्रेटर लॉस एंजल्स भागात फ्रेंचायजी स्थापन केली आहे.
बॉलिवडू सुपर स्टार शाहरूख खान (Shah Rukh Khan), जुही चावला आणि त्यांचे पती जय मेहता यांनी नाईट रायडर्स ग्रुपमध्ये गुंतवणूक केली आहे. त्यांनी आता चौथी टी 20 फ्रेंचायजी स्थापन केली आहे. नाईट रायडर्सचे आता आयपीएल, सीपीएल, एमएलसी आणि आता युएई टी 20 लीगमधील संघाची मालकी मिळवली आहे. याबाबत शाहरूख खानने प्रतिक्रिया दिली. तो म्हणाला 'गेल्या काही वर्षापासून आम्ही नाईट रायडर्स या ब्रँडचा जगभर विस्तार करत आहोत. आम्ही युएईमधील टी 20 क्रिकेट स्पर्धेत असलेली क्षमतेवर बारीक नजर ठेवून होतो. आम्ही युएई टी 20 लीगचा भाग होण्यास उत्सुक होतो. ही लीग मोठ्या प्रमाणावर यश मिळवले यात काही शंका नाही.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
