IPL 2023 Schedule : आयपीएलचा 16 व्या हंगामाबाबत स्टार्स स्पोर्ट्सची मोठी घोषणा; आज सध्याकाळी...

IPL 2023 Schedule : बीसीसीआयने महिला प्रीमियर लीगच्या पहिल्या हंगामासाठी नुकताच महिला क्रिकेटपटूंची लिलाव प्रक्रिया पूर्ण केली. यानंतर आता क्रिकेट रसिकांना आयपीएलचा 16 वा हंगाम कधी सुरू होणार याची उत्सुकता लागून राहिला होती. ही उत्सुकचा लवकरच संपणार असल्याचे स्टार स्पोर्ट्सने सांगितले.

स्टार स्पोर्ट्स आज संध्याकाळी 5 वाजता आयपीएलच्या 16 व्या हंगामाचे वेळापत्रक जाहीर करणार आहे. 10 संघाची आयपीएल 31 मार्चपासून सुरू होण्याची शक्यता आहे. ही स्पर्का मे महिन्याच्या शेवटच्या आठवड्यापर्यंत सुरू राहील. स्टार स्पोर्ट्स आयपीएलची 15 वर्षे साजरी करण्याचा प्लॅन करत आहे. स्टार स्पोर्ट्स आयपीएल स्टार आणि भारताचे दिग्गज क्रिकेटपटू हरभजन सिंग, विरेंद्र सेहवाग आणि इरफान पठाण यांच्या उपस्थितीत काही आकर्षक पुरस्कार देखील देणार आहे.

आयपीएलच्या पहिल्या हंगामात ब्रँडन मॅक्युलमने बंगळुरूच्या स्टेडियमवर 158 धावांची धुवांधार खेळी केली होती. तसेच हार्दिक पांड्या आणि जसप्रीत बुमराहला आयपीएलमध्ये 10 वर्षे पूर्ण होत आहे. गेल्या 15 वर्षापासून भारतीय क्रिकेट जगतातील गुणवान खेळाडूंना त्यांनी गुणवत्ता सिद्ध करण्यासाठी आयपीएलसारखे जागतिक व्यासपीठ मिळाले आहे. स्टार स्पोर्ट्स याच स्मरणीय क्षणांना उजाळा देणार आहे.

(Sports Latest News)

हेही वाचा : हिंडेनबर्ग अहवालाचा फटका भाजपला भविष्यात बसणार?