Sunil Gavaskar Prithvi Shaw : निवडसमितीला जागं करायचं असेल तर... गावसकरांनी पृथ्वी शॉला दिला गुरूमंत्र

Sunil Gavaskar Prithvi Shaw : मुंबईच्या पृथ्वी शॉने रणजी ट्रॉफी सामन्यात विक्रमी 379 धावांची खेळी केली. या खेळीमुळे पृथ्वी शॉने भारतीय संघातील दावेदारी पुन्हा एकदा ठोकली. पृथ्वी शॉच्या या धडाकेबाज खेळीनंतर त्याच्यावर कौतुकांचा वर्षाव होत आहे. शॉची 379 धावांची खेळी ही मुंबईकडून प्रथम श्रेणी क्रिकेटमध्ये केलेली सर्वोच्च खेळी ठरली. यानंतर भारताचे माजी कर्णधार सुनिल गावसकर यांनी देखील पृथ्वी शॉचे कौतुक केले. याचबरोबर त्याला टीम इंडियातील आपले स्थान पुन्हा पटकावण्यासाठी एक गुरूमंत्र देखील दिला.

सुनिल गावसकर पृथ्वी शॉला म्हणाले की, 'अशाच प्रकारची कामगिरी त्याच्याकडून अपेक्षित होती. तो चांगल्या 60 - 70 धावा करत होता. मात्र 60 - 70 धावा तर भरपूरजण करतात. जर तुला निवडसमितीचे खरोखर लक्ष वेधायचं आहे तर द्विशतक, त्रिशतक ठोक. त्याने जवळपास 400 धावा केल्या. जर त्याने 400 प्लस धावा केल्या असत्या तर अजून भारी झालं असतं.'

सुनिल गावसकर पुढे म्हणाले की, 'मला असे वाटते की त्याने मुंबईची अवस्था थोडी अवघड करून ठेवली होती. संघाला पहिला डाव घोषित करायचा की नाही याबाबत संभ्रम निर्माण झाला असणार. शॉ भाऊसाहेब निंबाळकरांच्या प्रथम श्रेणी क्रिकेटमध्ये सर्वात मोठी खेळीचा ( नाबाद 443 धावा) विक्रम मोडण्याच्या जवळ पोहचला होता. हा एक अवघड निर्णय होता.'

(Sports Latest News)

हेही वाचा : सूर्यकुमार...भारतीय क्रिकेट मधला 'लंबी रेस का...'