India vs Pakistan T20 world cup 2022: ऑस्ट्रेलियात होणाऱ्या टी-२० विश्वचषकाला आता अवघे काही महिने उरले आहेत. ही स्पर्धा डोळ्यासमोर ठेवून सर्व संघांनी तयारी सुरू केली आहे. यावेळीही भारताचा पहिला सामना पाकिस्तानविरुद्ध आहे. दिवाळीच्या एक दिवस आधी म्हणजे 23 ऑक्टोबरला हा सामना होणार आहे. मात्र याच्या जवळपास सर्व तिकिटे तीन महिन्यांआधीच विकल्या गेली आहेत. आजपासूनच हा सामना हाऊसफुल्ल झाला आहे. टुरिझम ऑस्ट्रेलियाकडून ही माहिती समोर आली आहे.(ind vs pak Match tickets sold out in few minutes)
ऑस्ट्रेलियात T20 विश्वचषक 16 ऑक्टोबरपासून सुरू होत आहे, तर भारताचा पहिला सामना 23 ऑक्टोबरला पाकिस्तानविरुद्ध होणार आहे. त्याचबरोबर या स्पर्धेचा अंतिम सामना 13 नोव्हेंबरला होणार आहे. भारत आणि पाकिस्तान यांच्यातील सामन्यानंतर भारत आणि दक्षिण आफ्रिका यांच्यातील सामन्याच्या तिकिटांची मागणी सर्वाधिक आहे. याआधी आशिया चषकात भारत आणि पाकिस्तान यांच्यातही सामना होणार आहे. आशिया चषक यावेळी श्रीलंकेत खेळवला जाणार आहे, त्याचे वेळापत्रक अद्याप जाहीर झालेले नाही.
ग्लोबल स्पोर्ट्स ट्रॅव्हल कंपनीच्या माहितीनुसार, भारतात आतापर्यंत 40% पॅकेजेस खरेदी करण्यात आल्या आहेत. 27% पॅकेजेस उत्तर अमेरिकेत, 18% ऑस्ट्रेलियात आणि 15% इंग्लंडसह इतर देशांमध्ये खरेदी करण्यात आली आहे. मेलबर्नमधील हॉटेलच्या खोल्या आधीच बूक केल्या आहेत. भारत-पाकिस्तान सामन्यासाठी मेलबर्नमध्ये 45 ते 50 हजार चाहते बाहेरून येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
