T-20 World Cup 2022 Points Table Group-2 : टी-20 विश्वचषकाचा 17 वा सामना नेदरलँड आणि बांगलादेश यांच्यात खेळला गेला. होबार्टमध्ये शाकिब अल हसनच्या नेतृत्वाखाली बांगलादेशने नेदरलँड्सवर 9 धावांनी विजय मिळवून विजयी सुरुवात केली. नेदरलँडने नाणेफेक जिंकून प्रथम गोलंदाजी करण्याचा निर्णय घेतला. बांगलादेशने 20 षटकांत आठ विकेट गमावत 144 धावा केल्या. प्रत्युत्तरात नेदरलँडचा संघ 20 षटकांत सर्वबाद 135 धावांवर आटोपला.
बांगलादेशने या विजयासह केवळ गुणतालिकेत आपले खाते उघडले नाही तर भारताला खाली ओढले आहे. पाकिस्तानविरुद्ध दणदणीत विजय नोंदवल्यानंतर, इतर चार संघांनी एकही सामना न खेळल्यामुळे टीम इंडिया 2 गुणांसह गट-2 गुणतालिकेत अव्वल स्थानावर होती. पण आज बांगलादेश विरुद्ध नेदरलँड सामन्यानंतर गुणतालिकेत बदल झाला आहे.
बांगलादेश आता सुपर-12 मधील गट-2 च्या गुणतालिकेत 2 गुण आणि 0.450 च्या निव्वळ धावगतीने अव्वल स्थानावर आहे. त्याचबरोबर भारताचेही दोन गुण आहेत, पण भारताचा नेट रनरेट बांगलादेशपेक्षा कमी आहे, त्यामुळे टीम इंडिया दुसऱ्या स्थानावर आहे. पाकिस्तानवर विजय मिळवल्यानंतर भारताचा निव्वळ धावगती 0.050 आहे. झिम्बाब्वे आणि दक्षिण आफ्रिका गट-2 मध्ये आपला पहिला सामना खेळत आहेत, या सामन्यानंतर गुणतालिकेत आणखी बदल पाहायला मिळतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.