T20 World Cup: रोहित शर्मा अँड कंपनी ऑस्ट्रेलियाला रवाना, 15 वर्षांचा दुष्काळ संपणार!

रोहित शर्माच्या नेतृत्वाखाली टीम इंडिया आगामी टी-20 विश्वचषक-2022 साठी गुरुवारी सकाळी ऑस्ट्रेलियाला रवाना झाली
T20 World Cup team india
T20 World Cup team india sakal

T20 World Cup Team India : रोहित शर्माच्या नेतृत्वाखाली टीम इंडिया आगामी टी-20 विश्वचषक-2022 साठी गुरुवारी सकाळी ऑस्ट्रेलियाला रवाना झाली आहे. भारतीय क्रिकेट नियामक मंडळाने (बीसीसीआय) एक फोटो शेअर केला आहे ज्यामध्ये सर्व खेळाडू आणि प्रशिक्षक राहुल द्रविड देखील दिसत आहेत. रोहित शर्मा अँड कंपनीकडून यावेळी आशा आहेत की ते 15 वर्षांचा दुष्काळ संपवतील.

T20 World Cup team india
Suryakumar Yadav : सूर्याची चिंता वाढली; चौथ्या क्रमांकावर टांगती तलवार

भारतीय संघाने शेवटचा टी-20 विश्वचषक 2007 साली जिंकला होता. तेव्हा संघाची कमान महेंद्रसिंग धोनीकडे होती. आता रोहित शर्माकडून खूप अपेक्षा आहेत. फोटो शेअर करताना बीसीसीआयने कॅप्शनमध्ये लिहिले, 'पिक्चर परफेक्ट. 16 ऑक्टोबरपासून टी-20 वर्ल्ड कपला सुरुवात होणार आहे. मात्र टीम इंडिया आपला पहिला सामना 23 ऑक्टोबरला कट्टर प्रतिस्पर्धी पाकिस्तानविरुद्ध खेळणार आहे. नुकतेच आशिया कप-2022 मध्येही दोन्ही संघ आमनेसामने आले होते.

T20 World Cup team india
Ajinkya Rahane : दसऱ्याला गोड बातमी! रहाणेंच्या घरी चिमुकल्याचं आगमन

भारतीय संघाला टी-20 विश्वचषकापूर्वी दक्षिण आफ्रिकेविरुद्ध 3 सामन्यांची एकदिवसीय मालिकाही खेळायची आहे. दक्षिण आफ्रिकेविरुद्धच्या आगामी वनडे मालिकेत रोहित शर्माच्या अनुपस्थितीत शिखर धवन संघाचे नेतृत्व करणार आहे. भारत आणि दक्षिण आफ्रिका यांच्यातील पहिला एकदिवसीय सामना 6 ऑक्टोबर रोजी लखनौ येथे खेळवला जाणार आहे. यानंतर, इतर दोन सामने रांची आणि दिल्ली येथे 9 आणि 11 ऑक्टोबर रोजी होतील.

T20 World Cup team india
VIDEO | Virat Kohli : कोहलीने किशोरदांच्या बंगल्याचे रूपांतर केले सुंदर रेस्टराँट
  • ICC T20 विश्वचषकासाठी असा असणार भारतीय संघ:

    रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर. अश्विन, युझवेंद्र चहल, अक्षर पटेल, भुवनेश्वर कुमार, हर्षल पटेल, अर्शदीप सिंग.

  • राखीव खेळाडू

    मोहम्मद शमी, श्रेयस अय्यर, रवी बिश्नोई, दीपक चहर.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com