Afghanistan Cricket : अफगाण क्रिकेटपटूंना तालिबानी फतवा; तीन खेळाडूंचा करार रद्द, IPL समावेशालाही ग्रहण

Afghanistan Cricket : अफगाणिस्तान क्रिकेट बोर्डाच्या एका निर्णयामुळे अफगाणिस्तानच्या तीन खेळाडूंच्या आयपीएल सहभागावर प्रश्नचिन्ह उपस्थिती झालं आहे. मुजीब उर रहमान, नवीन उल हक आणि फजलहक फारूकीला अफगाणिस्तान क्रिकेट बोर्ड पुढचे दोन वर्षे ना हरक प्रमाणपत्र देण्याची शक्यता नाही. यामुळे त्यांचे आयपीएल 2024 हंगाम खेळण्याची शक्यता देखील धुसर झाली आहे.

एसीबीने प्रसिद्ध केलेल्या पत्रकानुसार मुजीब, नवीन आणि फजलहक यांच्या वार्षिक करार वाढवण्यास स्थगिती दिली आहे. एसीबीने या तीन खेळाडूंनी वैयक्तिक लाभाला जास्त प्राधान्य दिल्याच्या संशयावरून त्यांची चौकशी होणार आहे असे सांगितले.

अफगाणिस्तान क्रिकेट बोर्डाने आपल्या वेबसाईटवर एक पत्रक प्रसिद्ध केलं आहे. यात लिहिलं आहे की, 'वरील खेळाडूंनी केंद्रीय करारावर स्वाक्षरी न करणे, व्यावसायिक लीग स्पर्धेत त्यांचा सहभाग, अफगाणिस्तानकडून खेळण्यापेक्षा व्यक्तिगत हितांना प्राथमिकता देणे, अफगाणिस्तानकडून खेळणे हे राष्ट्रीय कर्तव्य आहे. त्यामुळे या खेळाडूंविरूद्ध शिस्तभंगाची कारवाई करण्याचा निर्णय बोर्डाने घेतला आहे.

या प्रकरणी संपूर्ण तपास करून एसीबीच्या हितांनुसार शिफारस करणे आणि याबाबतचा अहवाल वरिष्ठ अधिकाऱ्यांना देण्यासाठी एक समिती स्थानप करण्यात आली आहे.

अफगाणिस्तानचा संघ भारताविरूद्ध तीन टी 20 सामन्यांची मालिका खेळणार आहे. संघ सध्या याचीच तयारी करत आहे. मालिकेतील पहिला सामना हा 11 जानेवारीला मोहालीत, दुसरा सामना हा 14 जानेवारीला इंदौर आणि तिसरा 17 जानेवारीला बंगळुरू येथे होणार आहे.

(Sports Latest News)