Team India: वर्ल्डकप अन् आशिया कपमध्ये 'हा' खेळाडू बनणार टीम इंडियाचा उपकर्णधार, हार्दिक पांड्याचा पत्ता कट?

Team India New Vice Captain : आशिया कप 2023 अवघ्या काही दिवसांवर आला असतानाही भारतीय संघाची अजून घोषणा करण्यात आली नाही. आता अशी माहिती येत आहे की, सोमवारी म्हणजेच 21 ऑगस्टला संघाची घोषणा केल्या जाणार आहे. यासोबतच भारतीय क्रिकेट नियामक मंडळाची (BCCI) निवड समिती 5 ऑक्टोबरपासून सुरू होणाऱ्या 2023 विश्वचषकासाठी टीम इंडियाच्या सर्व संभाव्य खेळाडूंचीही घोषणा करणार आहे.

टीम इंडियाकडे एक दिग्गज खेळाडू आहे, जो आशिया कप आणि विश्वचषकासाठी हार्दिक पांड्याचा पत्ता कट करून भारताचा उपकर्णधार बनू शकतो. वेस्ट इंडिज दौऱ्यावर हार्दिक पांड्याचे कर्णधारपद भारताने कॅरेबियन संघाविरुद्ध टी-20 मालिका 2-3 ने गमावल्यानंतर असे बोलले जात आहे.

यानंतर आयर्लंड दौऱ्यावर वेगवान गोलंदाज जसप्रीत बुमराहने टीम इंडियाची कमान हाती घेतली. जसप्रीत बुमराहने आपल्या शानदार कर्णधाराच्या जोरावर टीम इंडियाला आयर्लंडविरुद्धच्या पहिल्या टी-20 सामन्यात विजय मिळवून दिला.

अशा परिस्थितीत, जसप्रीत बुमराह 5 ऑक्टोबरपासून सुरू होणाऱ्या आगामी एकदिवसीय विश्वचषक आणि आशिया कप स्पर्धेसाठी भारतीय संघाचा उपकर्णधार होण्यासाठी प्रबळ दावेदार म्हणून पाहिले जात आहे.

या प्रकरणाची माहिती असलेल्या बीसीसीआयच्या सूत्राने गोपनीयतेच्या अटीवर पीटीआय सांगितले की, 'नेतृत्वाच्या बाबतीत अनुभव पाहिल्यास जसप्रीत बुमराह हार्दिक पांड्याच्या पुढे आहे. त्याने 2022 मध्ये कसोटी संघाचे नेतृत्व केले आहे. दक्षिण आफ्रिकेच्या एकदिवसीय दौऱ्यात पांड्यापूर्वी तो वनडे संघाचा उपकर्णधारही होता.

पुढे तो म्हणाला की, 'जर बुमराहला आशिया कप आणि विश्वचषक या दोन्ही सामन्यांसाठी एकदिवसीय सामन्यांमध्ये उपकर्णधार बनवताना दिसले तर आश्चर्य वाटणार नाही. त्यामुळेच ऋतुराज गायकवाड यांच्याऐवजी आयर्लंडमध्ये कर्णधारपद सोपवण्यात आलं होतं.