World Cup 2023 : वनडे वर्ल्डकपमधील भारताचे शेड्युल झाले अपडेट; टीम इंडिया 'या' तारखेला...

ICC World Cup 2023 : भारतात ऑक्टोबर आणि नोव्हेंबरमध्ये होणाऱ्या एकदिवसीय विश्वचषक स्पर्धेतील सर्व 10 संघांची नावे समोर आली आहेत. नेदरलँड आणि श्रीलंका विश्वचषकासाठी पात्र (CWC Qualifiers) ठरले आहेत. या मेगा टूर्नामेंटसाठी पात्र ठरणारा नेदरलँड हा 10 वा संघ ठरला आहे. यापूर्वी श्रीलंका झिम्बाब्वेला हरवून पात्र ठरला होता.

2023 वर्ल्ड कपसाठी पात्र ठरणारा नेदरलँड हा 10 वा संघ

नेदरलँड्सच्या विजयासह 2023 च्या विश्वचषकातील 10 संघांची यादी आता पूर्ण झाली आहे. 2023 विश्वचषकासाठी पात्र ठरलेले नेदरलँड हे एकमेव सहयोगी राष्ट्र आहे. पहिले 8 संघ थेट विश्वचषकासाठी पात्र ठरले, त्यानंतर दोन संघ निवडण्यासाठी पात्रता फेरी खेळली गेली.

11 नोव्हेंबरला भारताविरुद्ध नेदरलँडचा सामना

5 सहयोगी संघ आणि 5 प्रमुख संघांनी विश्वचषक पात्रता फेरीत प्रवेश केला. श्रीलंकेने प्रथम विश्वचषकासाठी पात्रता फेरीत प्रवेश केला, त्यानंतर नेदरलँड्सने स्कॉटलंडविरुद्ध विजय नोंदवून प्रवेश केला. नेदरलँड संघाला 11 नोव्हेंबर रोजी भारताकडून शेवटचा साखळी सामना खेळायचा आहे. या संघाबाबत टीम इंडियाला सावधगिरी बाळगावी लागणार आहे.

दोन वेळची चॅम्पियन वेस्ट इंडिज वर्ल्ड कप 2023 मधून बाहेर

दोन वेळा विश्वचषक जिंकणारा वेस्ट इंडिज इतिहासात प्रथमच विश्वचषकासाठी पात्र ठरू शकला नाही. जागतिक स्तरावर निराशाजनक कामगिरीसाठी संघाला जगभरातील चाहत्यांकडून आणि क्रिकेटपटूंकडून जोरदार टीकेचा सामना करावा लागला.

ODI वर्ल्ड कप 2023 मध्ये सहभागी संघांची अंतिम यादी :

• भारत

• ऑस्ट्रेलिया

• इंग्लंड

• न्युझीलँड

• दक्षिण आफ्रिका

• पाकिस्तान

• बांगलादेश

• अफगाणिस्तान

• श्रीलंका

• नेदरलँड