Novak Djokovic: नोवाक जोकोविच पुन्हा अव्वल

पॅरिस : सर्बियाचा दिग्गज टेनिसपटू नोवाक जोकोविच पुन्हा एकदा एटीपी क्रमवारीत पहिल्या स्थानावर विराजमान झाला आहे. मियामी ओपन टेनिस स्पर्धेच्या उपांत्य फेरीत पराभूत झाल्यामुळे कार्लोस अल्काराझ याची पहिल्या स्थानावरून दुसऱ्या स्थानावर घसरण झाली आहे.

जोकोविचने काही दिवसांपूर्वीच महान टेनिसपटू स्टेफी ग्राफ हिचा सर्वाधिक ३७७ आठवडे नंबर वन स्थानावर राहण्याचा विक्रम मोडीत काढला होता. त्यानंतर कोरोना लसीकरण पूर्ण केले नसल्यामुळे त्याला मागील आठवड्यात अमेरिकेतील स्पर्धेमध्ये सहभागी होता आले नाही. (Latest Marathi News)

दरम्यान, अल्काराझ याने इंडियन वेल्स स्पर्धा जिंकत एटीपी क्रमवारीत पहिल्या स्थानावर झेप घेतली होती, पण मियामी स्पर्धेमध्ये झालेल्या पराभवामुळे अल्काराझ याची घसरण झाली जोकोविच आता तो ३८० वा आठवडा नंबर वन स्थानावर आहे हे विशेष.