Shubman Gill : गालावर पडते खळी, त्यावर शतकी खेळी; भाऊ टिंडरवरही डिमांडमध्ये

Shubman Gill Tinder : शुभमन गिलने न्यूझीलंड विरूद्धच्या तिसऱ्या आणि निर्णायक टी 20 सामन्यात 63 चेंडूत नाबाद 126 धावा ठोकल्या. भारताने या शतकी खेळच्या जोरावर 234 धावा केल्या. टी 20 क्रिकेटमध्ये शुभमन गिलने आतापर्यंत एकही अर्धशतकी खेळी केली नव्हती. मात्र त्याने थेट शतकी खेळी केली. ही शतकी खेळी भारताकडून सर्वात मोठी खेळी ठरली.

शुभमन गिलने कसोटी, वनडे आणि आता टी 20 मध्ये देखील शतकी खेळी करत आपण तीनही क्रिकेट फॉरमॅटमध्ये खेळू शकतो हे सिद्ध करून दाखवले. गिल फक्त मैदानावरच दमदार कामगिरी करत नव्हता तर तो प्रेक्षक गॅलरीत देखील दमदार कामगिरी करत होता. तिसऱ्या टी 20 सामन्यादरम्यान, नरेंद्र मोदी स्टेडियममधील एका युवतीचा एक फोटो सोशल मीडियावर व्हायरल होत आहे.

या युवतीने आपल्या हातात एक फलक घेतला आहे. या फलकावर टिंडर माझं आणि शुभमन गिलचे मॅच घडवून आणा असा मजकूर लिहिला आहे. एका इन्स्टाग्राम अकाऊंटने तर फोटो शेअर करत 'गिलला 10 पैकी 10 गुण देत तुमच्या सारखा 10 पैकी 10 गुण मिळणारा दुसरा मुलगा नाही.' अशी कमेंट केली.

गिल हा टीम इंडियातील एक हँडसमन क्रिकेटर आहे. तो खासकरून युवतींमध्ये खूप प्रसिद्ध आहे. त्याच्या खेळींपेक्षा जास्त त्याच्या अफेअर आणि लिंकअपच्याच चर्चा सुरू असतात. त्याचे नाव सचिन तेंडुलकरची मुलगी सारा तेंडुलकरशी जोडले गेले. मात्र गिल सारा तेंडुलकर सोबत नाही तर सारा अली खान सोबत डेटवर गेल्याचे वृत्त मध्यंतरी आले होते.

(Sports Latest News)

हेही वाचा : 'पठाण'..आणि २०२३ मधले बाॅलीवूड..कसे असतील दिवस