U19 T20 World Cup: शेफाली वर्मा ठेवणार धोनीच्या पावलावर पाऊल; १६ वर्षांनी पुन्हा...

महेंद्रसिंग धोनीने १६ वर्षांपूर्वी जे केले होते, त्याच इतिहासाची पुनरावृत्ती करण्याची संधी शेफाली वर्माला आहे. आज १९ वर्षांखालील महिलांच्या विश्‍वकरंडकाची अंतिम लढत आज रंगणार आहे. शेफाली वर्माच्या नेतृत्वात भारतीय महिला क्रिकेट संघाला आज इतिहास रचण्याची संधी आहे. (U19 T20 World Cup India vs England Shafali Verma and MS Dhoni 2007 t20 World Cup)

भारतासमोर आज भारतासमोर इंग्लंडचे आव्हान आहे. इतिहास रचण्यासाठी दोन्ही संघांचे लक्ष असेल. कारण पहिल्यांदाच अंडर-19 महिला टी २० विश्वचषक खेळला जात आहे, जो संघ अंतिम फेरीत विजयी होईल, त्याचे नाव इतिहासात नोंदवले जाईल. अशा स्थितीत शेफालीच्या नजरा धोनीच्या २००७ च्या करिष्माची पुनरावृत्ती करण्यावर असतील.

१६ वर्षांपूर्वी २००७मध्ये धोनीच्या नेतृत्वाखाली, भारत प्रथमच टी २० विश्वविजेता बनला आणि १९८३ नंतर भारतीय संघाने प्रथमच विश्वचषक जिंकला. आज शेफाली वर्माच्या नेतृत्वाखाली भारताचा महिला अंडर-१९ क्रिकेट संघही त्याच उंबरठ्यावर उभा आहे.

२००७ मध्ये पहिल्यांदा टी२० वर्ल्ड कप खेळवण्यात आला

२००७ मध्ये पुरुषांचा टी-२० विश्वचषक पहिल्यांदा खेळला गेला. टी-२० फॉर्मेटमध्ये विश्वचषक आयोजित करण्याची ही पहिलीच वेळ होती. त्याचप्रमाणे सध्याचा महिला अंडर-१९ टी-२० विश्वचषकही प्रथमच खेळवला जात आहे.

याआधी पुरुष क्रिकेटमध्ये फक्त अंडर-१९ विश्वचषक होता आणि तोही एकदिवसीय प्रकारात. महिला अंडर-१९ विश्वचषक पहिल्यांदाच होत आहे आणि तोही टी-२० फॉरमॅटमध्ये. म्हणजेच धोनी आणि शेफालीमध्ये ही एक गोष्ट समान आहे.

तसेच २००७ मध्ये झालेला सामना दक्षिण अफ्रिका येथे खेळवण्यात आला होता. तेव्हा धोनीने टीम इंडियाला चॅम्पियन बनवले होते. आता महिली अंडर १९ टी २० सामन्याचे आयोजनदेखील दक्षिण अफ्रिकामध्ये करण्यात आले आहे. त्यामुळे शेफालीकडून अपेक्षा व्यक्त करण्यात येत आहेत.