मध्य प्रदेशच्या 'सुपर सेव्हर' फिल्डिंगचा Video पाहिलात का?

राजकोट : देशांतर्गत क्रिकेट (Cricket) मधील महत्वाची समजली जाणाऱ्या विजय हजारे ट्रॉफीची (Vijay Hazare Trophy) सुरुवात झाली आहे. या स्पर्धेत भारतीय संघातील (Team India) काही युवा खेळाडू आपले संघातील स्थान पक्के करण्यासाठी चांगलीच मेहनत घेताना दिसत आहेत. त्यामुळे विजय हजारे ट्रॉफीतील(Vijay Hazare Trophy) फलंदाजी, गोलंदाजी आणि क्षेत्ररक्षणाचा स्तरही चांगलाच उंचावला आहे. असाच क्षेत्ररक्षणाचा उत्तम नमुना मध्य प्रदेशच्या (Madhya Pradesh) संघाने चंदीगडविरुद्धच्या (Chandigarh) सामन्यात सादर केला.

मध्य प्रदेशने प्रथम फलंदाजी करत ३३२ धावांचा डोंगर उभारला होता. मध्य प्रदेशचा स्टार खेळाडू व्यंकटेश अय्यरने (Venkatesh Iyer) सहाव्या क्रमांकावर फलंदाजीला येत धडाकेबाज दीडशतकी ( १५१ ) धावांची खेळी केली. मात्र चंदीगडच्या मनन वोरा (Manan Vohra) (१०५) आणि अंकित कौशिक (Ankit Kaushik) (१११) यांनी धडाकेबाज शतकी खेळी करत सामना शेवटच्या षटकापर्यंत नेला.

दरम्यान, चंदीगडला विजयासाठी ९ चेंडूत २३ धावांची गरज होती. त्यावेळी मध्य प्रदेशच्या क्षेत्ररक्षकांनी ४८ व्या षटकातल्या तिसऱ्या आणि चौथ्या अशा पाठोपाठच्या दोन चेंडूवर दोन अप्रतिम षटकार रोखले. या खेळाडूंनी बाऊंडरी लाईवर केलेल्या सुपर सेव्हर फिल्डिंगच्या जोरावर चंदीगडला ३२६ धावात रोखण्यात मध्य प्रदेशला यश आले. या सुपर सेव्हर फिल्डिंगचा व्हिडिओ (Super Saver Fielding Video) सध्या सोशल मीडियावर व्हारल होत आहे.