कोलकाता : भारत आणि बांगलादेश या संघात कोलकत्यातील ईडन गार्डनवर पहिला डे-नाईट कसोटी सामना खेळला जात आहे. आणि या सामन्याच्या पहिल्याच दिवशी पहिला चेंडू पडल्यापासून अनेक विक्रमांची नोंद झाली.
भारतीय संघाचा कर्णधार विराट कोहलीने 32 वी धाव घेत कसोटी क्रिकेट कर्णधार म्हणून 5000 धावांचा टप्पा गाठला. आणि कसोटी कर्णधार म्हणून पाच हजार धावा करणारा पहिला भारतीय आणि जागतिक पटलावरील सहावा कर्णधारही ठरला.
कर्णधार विराटने ही कामगिरी अवघ्या 86 व्या कसोटी डावात केली आहे. त्यामुळे सुपरफास्ट पाच हजार मनसबदारी मिळविण्याचा विक्रमही आता विराटच्या नावे झाला आहे. याआधी हा विक्रम ऑस्ट्रेलियाचा माजी विश्वविजेता कर्णधार रिकी पाँटिंगच्या नावावर होता. पाँटिंगने 97 डावात संघाचे नेतृत्व करताना अशी कामगिरी बजावली होती.
1) ग्रॅमी स्मिथ (दक्षिण आफ्रिका) - 8659 धावा
2) ऍलन बॉर्डर (ऑस्ट्रेलिया) - 6623 धावा
3) रिकी पाँटिंग (ऑस्ट्रेलिया) - 6542 धावा
4) क्लाइव्ह लॉईड (वेस्ट इंडिज) - 5233 धावा
5) स्टीफन फ्लेमिंग (न्यूझिलंड) - 5156 धावा
6) विराट कोहली (भारत) - 5000 धावा*
1) विराट कोहली (भारत) - 86 डाव
2) रिकी पॉटिंग (ऑस्ट्रेलिया) - 97 डाव
3) क्लाइव्ह लॉईड (वेस्ट इंडिज) - 106 डाव
4) ग्रॅमी स्मिथ (दक्षिण आफ्रिका) - 110 डाव
5) ऍलेन बॉर्डर (ऑस्ट्रेलिया) - 116 डाव
6) स्टिफन फ्लेमिंग (न्यूझिलंड) - 130 डाव
दरम्यान, भारताचे सलामीवीर झटपट बाद झाल्यानंतर चेतेश्वर पुजारा आणि कर्णधार विराट कोहलीने आपले अर्धशतक पूर्ण केले. हुसेनला फटका मारण्याच्या नादात पुजारा 55 धावांवर बाद झाला. मात्र, या अर्धशतकी खेळीत त्याने 8 चौकार लगावले होते.
कर्णधार कोहलीनेही आपल्या लौकिकाला साजेशी फलंदाजी करत अर्धशतक पूर्ण केले. यावेळी 93 चेंडूंचा सामना करताना 8 चौकारांच्या साथीने 59 धावांची खेळी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.