Virat Kohli : RCB च्या पठ्ठ्यांनी ICC T20 Ranking मध्ये घेतली चांगलीच उसळी

ICC T20 Players Ranking Virat Kohli : आशिया कपमधील दमदार कामगिरीचा फायदा भारताचा माजी कर्णधार विराट कोहलीला आयसीसी टी 20 क्रमवारीमध्ये झाला आहे. विराट कोहलीने अफगाणिस्तानविरूद्धच्या सामन्यात 122 धावांची दमदार खेळी केली होती. विराटने जवळपास तीन वर्षाच्या प्रतिक्षेनंतर आपले 71 वे आंतरराष्ट्रीय शतक ठोकले. तो आशिया कप 2022 मध्ये सर्वाधिक धावा करणारा फलंदाज ठरला. आशिया कपमध्ये त्याने दोन अर्धशतकेही ठोकली होती. याचा फायदा त्याला टी 20 बॅट्समन क्रमवारीमध्ये झाला. त्याने 14 स्थानांची उडी घेतली.

विराट कोहलीने आशिया कपमध्ये आपले पहिले आंतरराष्ट्रीय टी 20 शतक ठोकले. त्याने स्पर्धेत सर्वाधिक 276 धावा केल्या. याचबरोबर त्याने आयसीसी टी 20 बॅटिंग क्रमवारीत 29 व्या स्थानवरून उडी घेत 15 वे स्थान पटकावले. टी 20 बॅटिंग क्रमवारीत चौथ्या स्थानवर असलेला सूर्यकुमार यादव हा टॉप 10 मधला एकमेव भारतीय खेळाडू आहे. त्याची टी 20 क्रमवारी 4 दुसरीकडे श्रीलंकेचा अष्टपैलू खेळाडू वानिंदू हसरंगाने (Wanindu Hasaranga) देखील आशिया कप गाजवला. त्याला मॅन ऑफ द सिरीजचा पुरस्कार देखील देण्यात आला.

वानिंदूने स्पर्धेत 9 विकेट्स घेतल्या आहेत. त्याच्या आयसीसी टी 20 बॉलिंग क्रमवारीमध्ये तीन स्थानांची उसळी घेतली असून तो सहाव्या स्थानावर पोहचला आहे. अंतिम सामन्यात आक्रमक 36 धावांची महत्वपूर्ण खेळी करणाऱ्या हसरंगाने अष्टपैलू म्हणून देखील आपले टी 20 क्रमवारी सुधारले आहे. त्याच्या क्रमवारीमध्ये सात स्थानांची सुधारणा झाली असून तो आता अष्टपैलूंच्या यादीत चौथ्या स्थानावर पोहचला आहे. विराट कोहली आणि वानिंदू हसरंगा हे दोघेही रॉयल चॅलेंजर बेंगलोरकडून खेळतात. आयसीसी अष्टपैलू टी 20 क्रमवारीमध्ये शाकिब अल हसन पहिल्या तर मोहम्मद नबी दुसऱ्या स्थानावर आहे.