WI vs IND 2nd Test Day 3 : ब्रेथवेटची कडवी झुंज; तिसऱ्या दिवसअखेर विंडीजचा निम्मा संघ गारद

West Indies vs India 2nd Test Day 3 : भारत आणि वेस्ट इंडीज यांच्यातील दुसऱ्या कसोटीच्या तिसऱ्या दिवशी विंडीजच्या फलंदाजांनी चांगलाच झुंजारपणा दाखवला. त्यांनी दिवसाचे पूर्ण तीन सेशन खेळून काढले. कर्णधार क्रेग ब्रेथवेटच्या दमदार 75 धावांच्या खेळीच्या जोरावर विंडीजने दिवसअखेर 5 बाद 229 धावा केल्या.

दिवसाचा खेळ थांबला त्यावेळी अथनाझे 37 तर जेसन होल्डर नाबाद 11 धावा करून क्रिजवर होते. भारताला दिवसभरात विंडीजच्या चार विकेट घेण्यात यश आले. रविंद्र जडेजाने 2 तर सिराज, अश्विन आणि मुकेशने प्रत्येकी 1 विकेट घेतली.

क्रेग ब्रेथवेट 75 धावांची झुंजार खेळी करून बाद झाल्यानंतर दुसऱ्या आणि तिसऱ्या सत्रात विंडीजच्या मधल्या फळीने चांगला प्रतिकार केला. मात्र मोहम्मद सिराज, रविंद्र जेडजा आणि अश्विनला ठराविक अंतराने विंडीजच्या फलंदाजीला खिंडार पाडण्यात यश मिळाले.

वेस्ट इंडीजचा कर्णधार क्रेग ब्रेथवेटने 75 धावांची दमदार खेळी करत विंडीजला चांगल्या स्थितीत पोहचवले होते. मात्र अश्विनने त्याला बाद करत भारताला मोठा दिलासा दिला.

वेस्ट इंडीजचा कर्णधार क्रेग ब्रेथवेटने अर्धशतकी खेळी करत विंडीजला 150 धावांच्या जवळ पोहचवले.

मुकेश कुमारने तिसऱ्या दिवशीच्या पहिल्या सत्रात आपल्या कारकिर्दीतील पहिली विकेट घेतली. त्याने विंडीजकडून पदार्पण करणाऱ्या क्रिक मॅकेन्झीला 32 धावांवर बाद केले. मॅकेन्झीने कर्णधार ब्रेथवेटसोबत 46 धावांची भागीदारी रचली होती.