WI vs IND 4th T20I: चौथ्या सामन्यात भारताने विंडीजचा केला 59 धावांनी पराभव | Sakal
sakal

बोलून बातमी शोधा

West Indies vs India 4th T20I Live Cricket Score Highlights

WI vs IND 4th T20I: चौथ्या सामन्यात भारताने विंडीजचा केला 59 धावांनी पराभव

West Indies vs India 4th T20I : भारताने वेस्ट इंडीजला चौथ्या टी 20 सामन्यात 59 धावांनी मात देत मालिकेत 3 - 1 अशी विजयी आघाडी घेतली. भारताने वेस्ट इंडीज समोर विजयासाठी 192 धावांचे आव्हान ठेवले होते. मात्र विंडीजचा संघ 132 धावात ढेर झाला. भारताकडून आवेश खान, अक्षर पटेल आणि रवी बिश्नोईने 2 विकेट घतल्या. भारताकडून ऋषभ पंतने 44 तर संजू सॅमसनने नाबाद 30 धावा केल्या. रोहितनेही तडाखेबाज 33 धावा केल्या.

विंडीजचा निम्मा संघ 82 धावात माघारी

भारताने वेस्ट इंडीजची अवस्था 9 षटकात 5 बाद 82 अशी केली.

भारताच्या 20 षटकात 191 धावा 

भारताकडून ऋषभ पंतने 44 धावांची खेळी करत मधल्या फळीत डाव सावरण्याचे काम केले. त्यानंतर स्लॉग ओव्हरमध्ये संजू सॅमसन आणि अक्षर पटेल यांनी धडाकेबाज फलंदाजी केली. सॅमसनने 23 चेंडूत नाबाद 30 धावा केल्या. तर अक्षर पटेलने 8 चेंडूत नाबाद 20 धावा केल्या.

61-2 : सूर्यकुमार यादव देखील माघारी

रोहित शर्मा बाद झाल्यानंतर दुसरा सलामीवीर सूर्यकुमार यादव देखील 14 चेंडूत 24 धावा करून बाद झाला.

53-1: भारताला पहिला धक्का

भारताला पहिला धक्का बसला आहे. कर्णधार रोहित शर्माला अकील हुसैनने बाद केले. रोहितने 13 चेंडूत आक्रमक 33 धावा केल्या.

भारतीय संघात तीन बदल

भारताने चौथ्या टी 20 सामन्यासाठी संघात तीन बदल केले आहेत. हार्दिक पांड्या, रविचंद्रन अश्विन आणि श्रेयस अय्यर यांच्या जागी रवी बिश्नोई, अक्षर पटेल आणि संजू सॅमसन यांना संघात स्थान देण्यात आले आहे.

वेस्ट इंडीजने नाणेफेक जिंकली

वेस्ट इंडीजने नाणेफेक जिंकून प्रथम गोलंदाजी करण्याचा निर्णय घेतला आहे.

वेट आऊट फिल्डमुळे नाणेफेकीत उशीर

पावसामुळे फ्लोरिडाचे मैदान ओले झाले आहे. त्यामुळे नाणेफेकीस विलंब होत आहे.

Web Title: West Indies Vs India 4th T20i Live Cricket Score Highlights

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..