WPL DCW vs MIW : मुंबईने 15 व्या षटकातच पार केले दिल्लीचे आव्हान, जिंकला सलग तिसरा सामना

WPL 2023 Delhi Capitals Women vs Mumbai Indians Women : वुमन्स प्रीमियर लीगमध्ये मुंबई इंडियन्सने आपली जुनी परंपरा तोडली. मुंबईने दिल्ली कॅपिटल्सचा 8 गडी राखून पराभव केला. दिल्लीचे 106 धावांचे आव्हान मुंबईने 15 षटकात पार करत आपला सलग तिसरा विजय साजरा केला. मुंबईकडून सलामीवीर यस्तिका बाटियाने 41, हेली मॅथ्यूजने 32 तर नॅट सिवर ब्रंटने नाबाद 23 धावा केल्या.

तत्पूर्वी, अव्वल स्थानासाठी होत असलेल्या मुंबई - दिल्ली सामन्यात प्रथम फलंदाजी करणाऱ्या दिल्ली कॅपिटल्सला मुंबईने 105 धावात गुंडाळत सामन्यावर पकड निर्माण केली. मुंबईने पॉवप्लेमध्येच टिच्चून मारा करत दिल्लीला थोपवले. मुंबईकडून सैका इशाकने 13 धावात 3, इसी वँगने 10 धावात 3 आणि हेली मॅथ्यूजने 19 धावात 3 विकेट्स घेतल्या. दिल्लीकडून कर्णधार मेग लेनिंगने सर्वाधिक 43 तर जेमिमाह रॉड्रिग्ज तर 25 धावा केल्या.

दिल्ली कॅपिटल्सने विजयासाठी ठेवलेल्या 106 धावांच्या आव्हानाचा पाठलाग करताना मुंबई इंडियन्सचे सलामीवीर यस्तिका भाटिया आणि हेली मॅथ्यूज यांनी दमदार सुरूवात केली. या दोघांनी मुंबईला पॉवर प्लेमध्ये 47 धावांपर्यंत पोहचवले.

दिल्लीला आधी सैका इशाकने एका पाठोपाठ एक धक्के दिले. त्यानंतर ऑफ स्पिनर हेली मॅथ्यूजने एकाच षटकात दिल्लीला दोन धक्के देत त्यांची अवस्था 5 बाद 84 वरून 7 बाद 87 अशी केली.

इशाकने शफाली वर्मा आणि पूजा वस्त्रकारने एलिस कॅप्सीची विकेट घेत दिल्लीची अवस्था 2 बाद 24 अशी केली होती. त्यानंतर वँगने माझीराने कापचा त्रिफळा उडवला. यानंतर मात्र कर्णधार मेग लेनिंग आणि जेमिमाह रॉड्रिग्जने भागीदारी रचत संघाला 13 षटकात 81 धावांपर्यंत पोहचवले. मात्र इशाकने जेमिमाहला 25 धावांवर बाद करत ही जोडी फोडली.

मुंबई इंडियन्सने प्रथम फलंदाजी करणाऱ्या दिल्ली कॅपिटल्सला पॉवर प्लेमध्ये चांगलेच जखडून टाकले. मुंबईची फिरकीपटू सैका इशाकने शफाली वर्माचा 2 धावांवर त्रिफळा उडवला. त्यानंतर दिल्लीची धावगती मंदावली. त्यांना 5 षटकात 25 धावांपर्यंतच मजल मारता आली.

दिल्ली कॅपिटल्सने नाणेफेक जिंकून प्रथम फलंदाजी करण्याचा निर्णय घेतला आहे. डी. वाय. पाटील स्टेडियमची खेळपट्टी ही फलंदाजांना पोषक असते. त्यात बाऊंड्री देखील जवळ आहे.

दिल्ली कॅपिटल्स आज मुंबई इंडियन्सचे अव्वल स्थान हिसकावून घेण्यासाठी जोर लावले. तर मुंबई आपल्या विजयाची हॅट्ट्रिक साजरी करण्यासाठी खेळेले.