Hulk Hogan Dies: अनेकांचा लहानपणीचा WWE हिरो हल्क होगन काळाच्या पडद्याआड; क्रीडा विश्वात शोककळा

थोडक्यात.WWE सुपरस्टार हल्क होगन यांचे ७१व्या वर्षी निधन झाले.१९८० च्या दशकात त्यांनी WWE ला जागतिक पातळीवर पोहोचवण्यात महत्त्वाचे योगदान दिले.२००५ मध्ये त्यांना WWE च्या हॉल ऑफ फेममध्ये समाविष्ट करण्यात आले होत..अमेरिकेचा दिग्गज कुस्तीपटू हल्क होगन उर्फ टेरी जीन बोलिया यांचे गुरुवारी निधन झाल्याची बातमी समोर आली आहे. हल्क होगन हे अनेकांच्या लहानपणीचे हिरो होते. त्यांनी ८० च्या दशकात WWE स्पर्धा गाजवली. त्यावेळी त्यांना मोठा चाहतावर्ग मिळाला होता. त्यामुळे त्यांच्या निधनामुळे क्रीडाविश्वातून हळहळ व्यक्त होत आहे..John Cena Retires : चाहत्यांना मोठा धक्का! WWE स्टार जॉन सीनाने घेतली निवृत्ती; ट्रिपल एचने शेअर केला 'तो' व्हिडिओ.हल्क होगन यांना फ्लोरिडामध्ये राहत्या घरी हृदयविकाराचा झटका आल्याची माहिती मिळाली आहे. त्यांना तातडीने हॉस्पिटलमध्ये हलवण्यात आले होते, मात्र त्यांनी वयाच्या ७१ व्या वर्षी शेवटचा श्वास घेतला. WWE नेही सोशल मीडियावर हल्क होगन यांच्या निधनाबद्दल शोक व्यक्त केला आहे..WWE ने सोशल मीडियावर लिहिले की 'WWE चे हॉल ऑफ फेमर हल्क होगन यांचे निधन झाल्याचे ऐकून दु:ख झाले आहे. पॉप संस्कृतीतील प्रसिद्ध असणारे व्यक्तीमत्त्वांपैकी एक हल्क होगन होते. त्यांनी १९८० च्या दशकात WWE ला जागतिक ओळख मिळवून देण्यात मोलाचा वाटा उचलला होता.'.११ ऑगस्ट १९५३ साली ऑगस्टा, जॉर्जिया येखे हल्क होगन यांचा जन्म झाला होता. हँडलबार मिशा, डोक्यावर पट्टी अशी त्यांची ओळख होती. WWE च्या गोल्डन पर्वाचा प्रमुख चेहरा म्हणून त्यांना ओळखले जाते. १९९४ मध्ये त्यांनी मॅडिसन स्क्वेअर गार्डनमध्ये द आयरन शीकचा पराभव करत पहिले चॅम्पियनशीप जिंकले होते. ८० आणि ९० च्या दशकात त्यांच्या अँड्रे द जायंट, रॅंडी माचो मॅन सॅव्हेज, अल्टिमेट वॉरिअर आणि सार्जंट स्लॉटर यांच्यासारख्या सुपरस्टार्सविरुद्ध रोमांचक फाईट्स झाल्या होत्या. रेस्लमेनिया ३ मध्ये जवळपास ९३ हजार चाहत्यांसमोर त्यांनी अँड्रे द जायंटला बॉडी स्लॅम केले होते, जी घटना कुस्तीच्या इतिहासातील अविस्मरणीय घटनांपैकी एक मानली जाते..Viral Video: टीम इंडियाच्या सराव सत्रात WWE! प्रशिक्षक मॉर्ने मॉर्केलला दोन खेळाडूंनी जमिनीवर लोळवले अन्... .साल २००२ नंतर त्यांनी WWE मध्ये पुनरागमन केलं होतं. त्यांनी द रॉक, शॉन मायकेल्स, ब्रॉक लेसनर आणि कर्ट अँगल यांच्याविरुद्धही सामने खेळले. २००५ मध्ये त्यांना WWE च्या हॉल ऑफ फेममध्ये सामील करण्यात आलं होत. त्यांनी चित्रपट, टेलिव्हिजन आणि रिऍलिटी शोमध्येही काम केलं होतं..FAQs १. हल्क होगन यांचे निधन कशामुळे झाले?➤ प्राथमिक माहितीनुसार हल्क होगन यांना हृदयविकाराचा झटका आला होता.(What caused Hulk Hogan's death?)२. हल्क होगन यांचे कितव्या वर्षी निधन झाले?➤ ७१ व्या वर्षी हल्क होगन यांचे निधन झाले(At what age did Hulk Hogan die? – At 71.)३. हल्क होगन यांना WWE हॉल ऑफ फेममध्ये कधी समाविष्ट करण्यात आले?➤ २००५ मध्ये हल्क होगन यांना WWE हॉल ऑफ फेममध्ये सामील करण्यात आले.(When was Hulk Hogan inducted into the WWE Hall of Fame?).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Hulk Hogan Dies: अनेकांचा लहानपणीचा WWE हिरो हल्क होगन काळाच्या पडद्याआड; क्रीडा विश्वात शोककळा

Related Stories