Beauty Tips : चेहरा गोरापान अन् काळी कुळकुळीत मान, हे घरगुती उपाय करा,नक्की फरक पडेल

Beauty Tips :

सध्या लग्नाचा, समारंभांचा सिझन सुरू आहे.  त्यामुळे मेकअप अन् फेशिअल ट्रिटमेंट केली जाते. पण, मानेच्या काळवंडलेपणाकडे फारसे कोणाचे लक्ष नसते. पण, बॅक ओपन असलेले डिझाईन्सचे ड्रेस अन् ब्लाऊज घालणे नकोसे वाटते. कारण, काळी पडलेली मानेकडे लोकांचे जास्त लक्ष जाते.

चेहऱ्याच्या त्वचेसोबतच शरीराच्या इतर भागांचीही काळजी घेणे खूप गरजेचे आहे. तीव्र सूर्यप्रकाशामुळे आपली त्वचा काळी पडते. यासाठी आपण घरगुती वस्तूंपासून बनवलेले स्क्रब वापरू शकतो. मानेवरील टॅनिंग वेळोवेळी साफ करणे खूप महत्वाचे आहे.

चला तर मग जाणून घेऊया घरगुती वस्तूंच्या मदतीने काळी झालेली मान कशी स्वच्छ करावी आणि या घरगुती वस्तूंचे फायदे जाणून घेऊया.

मान स्वच्छ करण्यासाठी कोणत्या गोष्टींचा वापर करावा?

मुलतानी माती

मुलतानी माती मानेवर लावल्याने फायदा होतो. मुलतानी मातीमध्ये असलेले अँटिऑक्सिडंट घटक  त्वचेची टॅनिंग  दूर करण्यास मदत करतात. यामध्ये असलेले घटक त्वचेवरील डाग आणि पिंपल्सचे डाग कमी करण्यास मदत करतात. मुलतानी माती त्वचेला खोलवर स्वच्छ करण्याचे काम करते.

ऍलोवेरा जेल

ऍलोवेरा जेल मानेवर लावल्याने फायदा होतो. ऍलोवेरा जेलमध्ये व्हिटॅमिन-ए, व्हिटॅमिन-सी आणि व्हिटॅमिन-बी असते जे त्वचेला मुबलक प्रमाणात पोषण देते. यामध्ये असलेले अँटिऑक्सिडंट गुणधर्म त्वचेला हायड्रेट करण्यास मदत करतात. एलोवेरा जेलमध्ये अँटी-बॅक्टेरियल गुणधर्म असतात जे त्वचेला सर्व प्रकारच्या त्वचेच्या संसर्गापासून वाचवतात.

काळी झालेली मान साफ ​​करण्यासाठी काय करावे?

काळ्या मानेसाठी बनवला जाणारा हा पॅक एलोवेला अन् मुलतानी मातीपासून बनवणार आहोत.त्यासाठी साधारण २ ते ३ चमचे मुलतानी माती घ्या. त्याच समप्रमाणात कोरफडाचे जेलही घ्या.हे दोन्ही चांगले मिसळा.

बोटांच्या मदतीने मानेवर स्क्रब लावा. 10 मिनिटे हलक्या हाताने स्क्रब करा. किमान 15 ते 20 मिनिटे तसेच राहू द्या. यानंतर, कापसाच्या मदतीने मान पूर्णपणे स्वच्छ करा आणि नंतर स्वच्छ पाण्याने स्वच्छ करा.

हा स्क्रब तुम्ही आठवड्यातून 4 वेळा वापरू शकता. याचा सतत वापर केल्याने काही दिवसातच तुमची मान साफ ​​दिसू लागेल.