Ice cream Headache: आईस्क्रीम खाल्ल्यानंतर तुमचंही डोकं दुखतं का? जाणून घ्या त्यामागील कारण

उन्हाळ्यात आईस्क्रीम खाण्याची एक वेगळीच मजा असते. मन थंड ठेवण्याचा हा उत्तम उपाय आहे. पण काही लोकांसाठी आईस्क्रीम त्रासाचं कारण बनतं, खरं तर आईस्क्रीम खाल्ल्यानंतर काहींना डोकेदुखीचा त्रास जाणवतो. तुमच्यासोबतही असे घडत असेल तर जाणून घ्या यामागचे कारण काय आहे.

आईस्क्रीम खाल्ल्यानंतर डोकेदुखी का होते?

हार्वर्ड मेडिकल न्यूजनुसार, जेव्हा तुम्ही खूप थंड वस्तू सेवन करता तेव्हा अशा वेळी या थंडपणामुळे आपल्या नसांमध्ये एक वेदना निर्माण होते. ज्या कारणामुळे व्यक्तीच्या मेंदूमध्ये झिनझिण्या जाणवतात. याला ब्रेन फ्रीझ असे म्हणतात.

आपल्या मेंदूच्या सेरेब्रल आर्टरी मध्ये अचानकपणे रक्तप्रवाह वाढतो आणि काही वेळेनंतर जश्या जश्या आपल्या नसा पुन्हा पूर्वीच्या स्थितीमध्ये येऊ लागतात, अशा वेळी आपली डोकेदुखी नॉर्मल होऊन जाते.

तज्ञ काय म्हणतात?

संशोधनात असे म्हटले आहे की, ज्या लोकांमध्ये ही समस्या दिसून आली आहे त्यांना गरम पाणी दिले जाते. तज्ज्ञांच्या म्हणण्यानुसार, ब्रेन फ्रीज झाल्यावर कोमट पाण्याने गार्गलिंग करावे. गरम पाणी तोंडाच्या प्रत्येक भागात गेल्यावर शरीरात गरम हवेचा संचार वाढतो.

यामुळे ब्रेन फ्रीझपासून आराम मिळतो.एक्सपोर्टचे असे मत आहे की, ज्या लोकांना आधीच मायग्रेनचा त्रास आहे, त्यांनी जर थंड वस्तूंचे सेवन केले तर ब्रेन फ्रीझचा धोका अधिक असतो. ही समस्या टाळायची असेल तर थंड पदार्थांचे सेवन टाळा.