सापाने गिळली AK 47 रायफल? जाणून घ्या व्हायरल फोटो मागील सत्य

अजस्त्र सापाने एखाद्या व्यक्तीला किंवा प्राण्याला गिळल्याच्या अनेक गोष्टी आपण ऐकल्या आहेत. पण कधी सापाने बंदूक किंवा AK 47 रायफल गिळल्याचं ऐकलं आहे का? नाही ना? पण सोशल मीडियावर अशाच एका सापाचा फोटो तुफान व्हायरल झाला आहे. या फोटोमध्ये सापाच्या पोटात AK 47 रायफल असल्याचं स्पष्टपणे दिसून येत आहे. त्यामुळे या सापाची सोशल मीडियावर एकच चर्चा रंगली आहे. हा फोटो पाहून अनेकांनी आश्चर्य व्यक्त केलं आहे. तर, काहींनी मात्र सापाची ती अवस्था पाहून दु:ख व्यक्त केलं आहे. मात्र, खरंच या सापाने AK 47 रायफल गिळली आहे का? हा नवा प्रश्न निर्माण झाला आहे. परंतु, व्हायरल होत असलेल्या फोटोमागील सत्य काही वेगळंच आहे.

सोशल मीडियावर व्हायरल होत असलेल्या फोटोमध्ये एका सापाने 47 रायफल  गिळल्याचं पाहायला मिळत आहे. ही रायफल गिळल्यामुळे त्या सापाला जागचं हलतादेखील येत नसल्यामुळे अनेकांनी त्यावर दु:ख व्यक्त केलं आहे. मात्र, व्हायरल होत असलेल्या या फोटोमागचं सत्य काही औरच असून या सापाने 47 रायफल किंवा अन्य कोणतीही रायफल गिळलेली नाही. 

प्रत्यक्षात या सापाने 47 रायफल गिळली नसून हा सापच मुळात खोटा आहे. रशियातील वसिली स्लोनोव या आर्टिस्टने रबरपासून हा खोटा साप तयार केला आहे. परंतु, वसिली यांनी इतक्या सुंदररित्या हा साप तयार केला आहे. ज्यामुळे या सापाकडे पाहिल्यानंतर तो खरा असल्याचा भास निर्माण होतो. विशेष म्हणजे रबराचा हा साप विक्रीसाठी ठेवण्यात आला असून आर्टसी या पेजवर तो विक्रीसाठी उपलब्ध आहे. या सापाचं नाव ‘AK-Python’ असं ठेवण्यात आलं आहे.

हेही वाचा :  मोमोज खाणं पडू शकतं महागात; वेळीच सावध व्हा, नाहीतर..

दरम्यान, वसिली यांनी २०१९ मध्ये हा साप तयार केला असून २१ ऑगस्ट २०१९ मध्ये त्यांनी त्यांच्या सोशल मीडियावर याचे काही फोटो शेअर केले होते.