Korean Girls Hair Tips : कोरियन मुलींसारखे सिल्की केस हवे असतील तर या टीप्स करा फॉलो

Korean Girls Hair Tips : कोरियन मुलींच्या त्वचेप्रमाणेच त्यांचे मुलायम, सरळ आणि सिल्की केस पाहून सर्वांनाच अचंबा वाटतो. भारतातील मुलींना कोरियन मुलींच्या त्वचेचे आणि केसांच्या रूटीनचे वेड आहे. त्यांच्यासारखे केस मिळविण्यासाठी नक्की त्यांचे हेअर केअर रूटीन कसे आहे ते जाणून घ्यायला हवे.

कोरियन मुली आपल्या त्वचेप्रमाणेच केसांचीही विशेष काळजी घेतात आणि यासाठी केसांचे योग्य रूटीन फॉलोही करतात. तुम्हालाही Korean Girls प्रमाणे केस हवे असतील तर त्यांचे Hair Care Routine नक्की कसे आहे ते घ्या जाणून.

स्कॅल्पसाठी स्क्रब

केसांना कोरियन ब्युटी देण्यासाठी स्काल्पची स्वच्छता अत्यंत गरजेची आहे. स्काल्पमधून कोंडा, धूळ आणि माती काढून टाकण्यासाठी केसांना स्क्रब करावे. कोरियन मुलींचा हा नियमित क्रम आहे.

हेअर पॅकचा वापर

केसांची काळजी घेण्यासाठी आणि केसांना मऊपणा देण्यासाठी आठवड्यातून किमान एकदा तरी हेअर पॅकचा वापर करावा. यासाठी अंडे, नारळाचे तेल, ऑर्गन ऑईल आणि Apple Cide व्हिनेगर एकत्र करून केसांना लावावे. हेअरपॅक केसांना कंडिशनिंग देऊन मऊ आणि मुलायम करण्यास मदत करतात.

Natural Wind For Hair

केस सुकविण्यासाठी कोरियन मुली या हेअर ड्रायरपेक्षा नैसर्गिक हवेचा वापर करतात. यामुळे केस निस्तेज होत नाहीत आणि केसांना कोरडेपणाही येत नाही. तसंच ड्रायर वापरायचाच असेल तर थंड हवेच्या ड्रायरचा वापर केला जातो.

दुहेरी केसांसाठी

जर केसांना फाटे फुटले असतील अथवा केस दुहेरी झाले असतील तर त्यासाठी तेलात पाणी मिक्स करून त्याचा स्प्रे केसांवर कोरियन मुली करतात. याचा नियमित वापर केल्याने केस मुलायम राहातात. पाण्याते २-३ थेंब मिक्स करून हे पाणी तुम्ही केसांवर स्प्रे करावे.