Girls Dream : मुलींनो स्वप्नात या 5 गोष्टी दिसल्यास समजा लवकरच फुटणार लग्नाची सुपारी...

स्वप्नात दिसणाऱ्या काही गोष्टी तुम्हाला तुमचं लवकरच लग्न ठरणार असल्याचे संकेत देतात हे माहितीये
Girls Dream
Girls Dreamesakal

Girls Dream : तुमच्या स्वप्नात दिसणाऱ्या काही गोष्टींचा संबंध थेट तुमच्या भविष्याशी असू असतो. तुम्ही बघितलेली काही स्वप्ने ही भूतकाळाशी संबंधित असू शकतात तर काही स्वप्ने ही तुम्ही वास्तविक जीवनात सतत एखाद्या गोष्टींचा विचार करत असल्यास त्या विषयाशी निगडीत असू शकतात. मात्र स्वप्नात दिसणाऱ्या काही गोष्टी तुम्हाला तुमचं लवकरच लग्न ठरणार असल्याचे संकेत देतात हे माहितीये.

प्रत्येकाच्या जीवनात स्वप्नांचं एक वेगळं विश्व असतं. तुम्हाला नेहमीच अर्थपूर्ण स्वप्न दिसतील असे नाही. मात्र काही वेळा तुम्ही बघितलेले स्वप्त तुमच्या खऱ्या आयुष्यात घडणाऱ्या प्रंसगाची चिन्हे दर्शवत असतात. आज आपण मुलींना पडणाऱ्या अशा स्वप्नांबाबत जाणून घेऊया जे मुलींच्या लग्नाची सुपारी लवकरच फुटणार असल्याचे सांगतात.

इंद्रधनुष्याचे स्वप्न

जर तुम्हाला तुमच्या स्वप्नात इंद्रधनुष्य दिसले तर ते तुमच्या आयुष्यासाठी शुभ संकेत देते. या स्वप्नाचा अर्थ असा आहे की लवकरच तुमच्या आयुष्याला नवं वळण येईल. आणि जर तुमचे लग्न झाले नसेल तर तुमचे लवकरच लग्न होईल. या स्वप्नाचा अर्थ असाही होऊ शकतो की तुमच्या आयुष्यातील सर्व समस्या लवकरच दूर होऊ शकतात आणि समस्यांचे निराकरण करण्यात तुम्हाला मदत केली जाईल.

स्वप्नात मोर नाचताना पाहणे

जर तुम्हाला स्वप्नात मोर नाचताना दिसला आणि तुमचे लग्न झालेले नसेल तर समजून घ्या की ते तुमच्या आयुष्यात नवीन नात्याचे संकेत देत आहे. पावसात मोर नेहमी आनंदाने नाचतात. म्हणूनच अशा प्रकारचे स्वप्न तुमच्या भविष्यात येणाऱ्या काही मोठ्या आनंदाशी संबंधित असू शकते. तसेच हे स्वप्न तुमच्या आनंदी वैवाहिक जीवनाचे संकेत देखील देऊ शकतात.

स्वप्नात स्वत:ला श्रृंगार करताना बघणे

जर तुमचे लग्न झाले नसेल आणि तुम्ही स्वप्नात स्वतःला मेकअप करताना पाहत असाल तर समजा लवकरच तुमच्या घरात सनई वाजणार आहे आणि तुम्हाला लवकरच एक चांगला जीवनसाथी मिळेल. एखाद्या विवाहित स्त्रीने स्वप्नात लाल ओढणी दिली तरी समजून घ्या की लवकरच तुमचे लग्न होणार आहे.

स्वप्नात हळद दिसणे

जर तुम्हाला स्वप्नात कुठल्याही रुपात हळद दिसली तर समजा की लवकरच तुम्हाला हवा असणारा जीवनसाथी मिळेल आणि तुमच्या घरात सनई वाजेल. (marriage)

Girls Dream
Dream Girl 2 Teaser: आयुष्मान खुराना लेहेंग्यात..'पठाण'ही पडलाय प्रेमात ... नेमकी भानगड काय?

स्वप्नात स्वत:ला नाचताना बघणे

जर तुम्ही स्वप्नात स्वतःला आनंदाने नाचताना दिसले तर समजा लवकरच तुमचे लग्न होणार आहे. हे स्वप्न या गोष्टीचे संकेत देतात की तुम्हाला लवकरच तुमच्यासाठी एक योग्य जीवनसाथी मिळेल. असे स्वप्न देखील आपल्या वास्तविक जीवनासाठी आनंद दर्शवते. एखाद्या जवळच्या व्यक्तीला स्वप्नात आनंदाने हसताना पाहणे हे देखील तुमच्या वैवाहिक जीवनाचे लक्षण असू शकते.

वरील कुठल्याही गोष्टी तुम्हाला तुमच्या स्वप्नात दिसल्या तर ते तुमच्यासाठी लवकर लग्नाचे लक्षण असू शकते.

डिस्क्लेमर - वरील लेख माहितीवर आधारलेला असून सकाळ समुह याची पुष्टी करत नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com