Home Tips : करपलेल्या भांड्यांचे डाग जात नाही? करा कांद्याचे हे उपाय

जेवण बनवताना भांड करपणे ही फार सामान्य बाब आहे. पण त्यामुळे महिलांना फार त्रास होतो. घासून घासून हात दूखतात, पण भांड्यांवरचे डाग निघत नाहीत. असे डाग काढण्यासाठीचे कांद्याचे घरगुती उपाय आम्ही सांगणार आहोत.

व्हिनेगर आणि कांद्याने जातात डाग

करपलेल्या भांड्याचे डाग काढण्यासाठी एक मोठा कांदा आणि व्हिनेगर घ्या. त्यानंतर एका वाटीत अर्धा कप कांद्याचा रस व अर्धा कप व्हिनेगर मिक्स करून घ्या. नंतर त्या मिश्रणाने भांड स्वच्छ घासून घ्या. थोड्याच वेळात भांडं चमकू लागेल.

कांद्याच्या सालींचा वापर

करपलेले भांडी स्वच्छ करण्यासाठी तुम्ही कांद्याच्या सालींचाही उपयोग करू शकतात. या साली करपलेल्या भांड्यात टाकावे. त्यात पाणी घालून २० मिनीट उकळवा. सालींची त्यात एक पेस्ट तयार होईल. नंतर त्या पेस्टने भांडं स्वच्छ घासावे. तुमचं भांडं पहिल्यासारखे चमकू लागेल.

बेकींग सोड्यानेही भांडं होतं स्वच्छ

करपलेल्या भांड्यात एक चमचा बेकिंग सोडा टाका. नंतर ब्रशच्या मदतीने भांडं घासावं. नंतर कांद्याचे दोन तुकडे करून जळालेल्या डागांवर घासावे. असे केल्याने मोठे डाग जातील. नंतर या भांड्यात पाणी भरून १० मिनीट ठेवावे. नंतर भांडं परत घासावं. भांडं परत पहिल्यासारखे शाईन करायला लागेल.