Amla Halwa : रोगप्रतिकारक शक्ती वाढवण्यासाठी हिवाळ्यात खा आवळ्याचा हलवा, सोपी आहे रेसिपी

Amla Halwa Recipe : हिवाळ्यात वातावरणातील थंडाव्याचा आपल्या आरोग्यावर परिणाम होतो. त्यामुळे, आरोग्याच्या अनेक समस्या निर्माण होतात. या समस्या टाळण्यासाठी आणि शरीर गरम ठेवण्यासाठी उष्ण खाद्यपदार्थांचा आहारात समावेश करण्यास सांगितले जाते.

या दिवसांमध्ये अनेक प्रकारच्या हिरव्या पालेभाज्या आणि फळे मार्केटमध्ये येतात. या भाज्यांपासून आणि फळभाज्यांपासून अनेक प्रकारचे पदार्थ आणि हलवे बनवले जातात. तुम्ही गाजर, वाटाण्याचा हलवा आतापर्यंत खाल्ला असेल.

मात्र, तुम्ही कधी आवळ्यापासून बनवलेला हलवा कधी खाल्ला आहे का ? हा हलवा खाण्याचे आपल्या आरोग्याला अनेक फायदे होतात. रोगप्रतिकारक शक्ती मजबूत ठेवण्यासाठी हा हलवा आवर्जून खाल्ला जातो. आज आपण आवळ्याचा हलवा कसा बनवायचा आणि त्याची रेसिपी काय आहे? ते जाणून घेऊयात.

आवळ्याचा हलवा बनवण्यासाठी लागणारे साहित्य

• आवळा

• मीठ

• गूळ

• पाणी

• तिखट

• आल्याची पेस्ट

• तूप

• ड्रायफ्रूट्स

• तेल

आवळ्याचा हलवा बनवण्याची योग्य पद्धत खालीलप्रमाणे :

• सर्वात आधी आवळा पाण्यात उकळून घ्या. जेणेकरून तो व्यवस्थित शिजेल.

• त्यानंतर, आवळ्यातील पाणी चाळणीच्या मदतीने गाळून घ्या आणि ३ तासांसाठी आवळा तसाच ठेवा.

• आता या आवळ्यामध्ये थोडे लाल तिखट (तुम्हाला हवे असल्यास) आल्याची पेस्ट आणि गूळ घाला.

• आता हे सर्व घटक एकत्रितपणे तेलात भाजून घ्या. जोपर्यंत ते घट्ट जेलीसारखे दिसत नाही, तोपर्यंत ते तेलात सोनेरी होईपर्यंत भाजून घ्या.

• आता या हलव्याची चव वाढवण्यासाठी तुम्ही यात मिक्स ड्रायफ्रूट्स घालू शकता. त्यानंतर, हे मिश्रण तुम्ही पुन्हा तूपात भाजून घ्या, तुमचा आवळ्याचा हलवा तयार आहे.

• हा हलवा चवीला खूपच सुंदर लागतो. शिवाय, हा हलवा हिवाळ्यात खाल्ल्याने तुमची रोगप्रतिकारक शक्ती देखील मजबूत राहण्यास मदत होते.