Masala French Toast : ब्रेड बटरने नको तर मसाला फ्रेंच टोस्टने वाढवा नाश्त्याची चव, रेसिपी सेव्ह करा

Masala French Toast :

काही घरात दिवसाची सुरूवात ब्रेड बटर, ब्रेड जामने केली जाते. कारण, ब्रेड सहज उपलब्ध असतो आणि घाईच्या वेळी तो कामी येतो. पण रोज रोज ब्रेड बटर खाण्यापेक्षा फ्रेंच टोस्ट कधीतरी बदल म्हणून चविष्ट लागतो.

आज आम्ही जी रेसिपी सांगणार आहोत ती एकदम सोपी आहे. जी तुम्ही अगदी घाईच्या वेळी तुम्ही बनवू शकता. मुलांसह मोठ्यांनाही ही रेसिपी आवडणारी आहे.

साहीत्य -

2 अंडी, 6 चमचे दूध, 1/2 टीस्पून मीठ, 1/2 लाल मिरची पावडर, 1/2 काळी मिरी पावडर 1 छोटा टोमॅटो, बारीक चिरलेला 1 छोटा कांदा बारीक चिरलेला, 2-3 हिरव्या मिरच्या, कोथिंबीर चाट मसाला, बटर किंवा तूप

कृती

सर्व प्रथम हिरव्या मिरच्या, कोथंबीर, कांदा आणि टोमॅटो बारीक चिरून घ्या. हे चांगले एकजीव करून घ्या. आता ब्रेडचे तुकडे अर्धे तिरपे कापून घ्या. तुम्हाला 8 त्रिकोण मिळतील.

अंडी फेटताना त्यात दूध, मीठ, लाल तिखट आणि काळी मिरी पावडर घाला आणि चांगले मिसळा. एका पॅनमध्ये मध्यम आचेवर थोडे बटर वितळवा. अंडी-दुधाच्या मिश्रणात दोन ब्रेड स्लाईस समांतर बुडवून घ्या आणि तव्यावर फ्राय करा. दोन्ही शिजल्यावर बाजूंनी, त्यांना बाहेर काढा.

खरपूस भाजल्यावर त्यांना प्लेटवर ठेवा आणि त्यावर कांदा-टोमॅटो मसाला आणि चाट मसाला घाला. तुमचा मसाला फ्रेंच टोस्ट तयार आहे.