Numerology : तुमच्या जन्म वर्षाचा शेवटचा आकडा सांगेल तुमचा स्वभाव

व्यक्तीचा जन्म केव्हा झाला यावरुन तो कसा आहे, त्याचा स्वभाव कसा आहे, हे त्याच्या राशीभविष्यावरुन कळते. अंकशास्त्रानुसारही माणसाच्या जन्म वर्षाच्या शेवटच्या आकड्यावरुनही त्याचा स्वभाव कळतो. चायना कॅलेंडरमध्येही याविषयी सांगितले आहे. आज आपण या विषयीच सविस्तर जाणून घेणार आहोत. (Numerology last digit of your birth year tell about your nature read story)

जर तुमच्या जन्म वर्षाचा शेवटचा आकडा 0 किंवा 1 असेल तर तुमच्यात मेटल सारखे गुण आहात. तुम्ही मेटल सारखे flexible आहात. तुम्ही लोकांना मदत करता पण तुम्हाला मदतीची गरज असली तर तुम्ही कधीच कोणाला मदतीसाठी विचारत नाही. तुम्ही आत्मनिर्भर असता आणि स्वत:च्या मनाचे मालक असतात.

जर तुमच्या जन्म वर्षाचा शेवटचा आकडा 2 किंवा 3 असेल तर तुम्ही पाण्यासारखे पारदर्शक असता. तुम्ही कुणाही सोबत सहज मिसळता. तुम्हाला मैत्री बनवायला वेळ लागत नाही. तुमचं तुमच्या विचारांवर प्रभूत्व असतं. तुम्ही खूप trustworthy असता. एक स्ट्रॉंग व्यक्तिमत्त्व म्हणून तुमची सर्वत्र ओळख असते.

जर जन्म वर्षाचा शेवटचा आकडा 4 किंवा 5 असेल तर अशा लोकांचा स्वभाव हा लाकडासारखा आहे. कितीही वादळ किंवा पाऊस असो असे व्यक्ती नेहमी खंबीरपणे लाकडासारखे उभे राहतात. हे खूप अॅक्टीव्ह असतात. कठीण प्रसंगाचा ते धीराने आणि हसत मुखाने सामना करतात. असे लोक 100 टक्के रोमँटीक रिलेशनशिपमध्ये असण्याची शक्यता असते.

ज्या लोकांचा जन्म वर्षाचा शेवटचा आकडा 6 किंवा 7 असतो. ते लोक Passion ला फॉलो करतात. ते अग्नीसारखे असतात. ते धैर्यवान असतात आणि कोणत्याही समस्येसोबत लढण्याची तयारी ठेवतात पण तितकेच ते अस्वस्थही असतात. त्यांच्यात लीडरशिप क्वालिटीही असते जी त्यांना करिअरमध्ये खूप कामी पडते.

ज्या लोकांचा जन्म वर्षाचा शेवटचा आकडा 8 किंवा 9 असतो, असे लोक मातीसारखे असतात. या लोकांसोबत अनेकजण सेफ फिल करतात. हे लोक खूप उत्सूक असतात आणि तितकेच संयमी असतात. हे लोक खूप जबाबदार असतात. त्यामुळे अनेकजण या लोकांचा सल्ला घेतात. हे लोकं खूप प्रामाणिक असतात आणि खूप विचारपूर्वक काम करतात.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.