Protein Shake पिताय! त्यामुळे होणारे ४ परिणाम जाणून घ्या

शरीरासाठी प्रथिनयुक्त पदार्थ खाणे अत्यंत महत्वाचे मानले जाते. शरीरातील स्नायूंच्या विकासासाठी आणि आरोग्यासाठी (Health) प्रथिनांचे सेवन गरजेचे आहे. शरीराला योग्य प्रमाणात प्रथिनं (Protein) मिळावीत यासाठी आहारात आपण अनेक गोष्टींचा समावेश करतो. फिटनेस फ्रिक लोकं यासाठी प्रोटीन शेक आवर्जून पितात. पण तंदूरूस्त राहण्यासाठी मर्यादेत प्रोटीन शेक पिणे चांगले मानले जाते. पण, कुठल्याही गोष्टीचा अतिरेक वाईट असतो. तुम्ही जर अतिप्रमाणात प्रोटीन शेक पित असाल तर तुमच्या तब्येतीवर त्याचा परिणाम होऊ शकतो. त्यामुळे डाएटेशियनच्या सल्ल्यानुसारच प्रोटीन शेक प्यावा.

असे होतात परिणाम

१) यकृत- यकृत निरोगी ठेवण्यासाठी, मर्यादित प्रमाणात प्रोटीन शेक प्या. कारण प्रोटीन शेक जास्त प्रमाणात प्यायल्याने यकृतात जळजळ होऊ शकते. तसेच गंभीर आजाराचा धोका वाढण्याची शक्यता असते.

२) डिहायड्रेशन- जर तुम्ही जास्त प्रथिनंयुक्त आहार घेत असाल, तर तुम्ही जास्तीतजास्त पाणी प्यावे, कारण जास्त प्रमाणात प्रोटीन शेक घेतल्याने डिहायड्रेशन होऊ शकते.

३) त्वचा- प्रथिने शरीरातील हार्मोन्सचे उत्पादन वाढवतात. त्वचा निरोगी ठेवायची असेल तर, प्रोटीन शेक मर्यादित प्रमाणात प्या. तो जास्त प्यायल्याने त्वचेच्या समस्या उद्भवू शकतात.

४) कमी रक्तदाब - जर तुम्ही कमी रक्तदाबामुळे त्रस्त असाल तर कमी प्रमाणात प्रोटीन शेक पिणे चांगले. कारण जास्त प्रमाणात प्रोटीन शेक प्यायल्याने तुमचा रक्तदाब मोठ्या प्रमाणात कमी होतो.