Railway Booking : लग्नाच्या वऱ्हाडासाठी रेल्वेचा अख्खा डबा कसा बुक कराल ?

मुंबई : जर तुमचे नातेवाईक लग्नाला उपस्थित राहण्यासाठी दुसऱ्या राज्यातून किंवा प्रदेशातून येत असतील, तर त्यांच्यासाठी व्यक्तिश: रेल्वे तिकीट बुक करणे कठीण असू शकते. जर तुम्हाला लग्नासाठी ट्रेनचा संपूर्ण डबा बुक करायचा असेल तर तो कसा करायचा हे जाणून घेऊ या.

ट्रेनचा डबा निवडण्यासाठी, तुम्हाला प्रथम IRCTC च्या FTR वेबसाइटवर लॉग इन करणे आवश्यक आहे. यानंतर, तुम्हाला भारतीय रेल्वे कोच बुक करण्याच्या पर्यायातून एक पर्याय निवडावा लागेल. ट्रेनचा डबा निवडण्यापूर्वी त्या ट्रेनच्या वेळेची संपूर्ण माहिती घ्यावी. हेही वाचा - Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?

या वेबसाईटवर तुम्हाला कोचचा प्रकार आणि त्याच्याशी संबंधित सर्व माहिती मिळेल. यामध्ये तुम्हाला माहिती भरायची आहे. सर्व माहिती भरल्यानंतर, तुम्हाला नोंदणीसाठी रक्कम देखील भरावी लागेल. FTR कोच आणि ट्रेनसाठी ऑफलाइन बुकिंग देशभरातील कोणत्याही मोठ्या रेल्वे स्टेशनला भेट देऊन करता येते.

याशिवाय, तुम्ही स्टेशनच्या मुख्य आरक्षण अधिकाऱ्याला विनंती करून तुमच्या लग्नासाठी ट्रेनचा डबाही बुक करू शकता.

किती दिवस अगोदर बुक करायचे ?

ट्रेनचा डबा बुक करण्यासाठी, तुम्ही तो तुमच्या लग्नाच्या काही महिने आधी बुक करा. ३० दिवस आधी डबा बुक करा. तुम्ही एका वेळी ७ डबे आरक्षित करू शकता. त्याची फी ५० हजार आहे आणि जर तुम्ही आणखी एक कोच बुक केला तर तुम्हाला १० हजार रुपये जास्त द्यावे लागतील.

बुकींग कसे करावे ?

IRCTC च्या FTR वेबसाइटला भेट दिल्यानंतर तुम्हाला एक नवीन यूजर आयडी आणि पासवर्ड तयार करावा लागेल. त्यानंतर सूचनेनुसार सगळी माहिती भरून डबा बुक करावा. अशा प्रकारे तुम्ही नातेवाईकांसाठी बुकिंग करू शकता.