Ratna Tips : ग्रहानूसार ही रत्ने अतिशय प्रभावी; गृहशांतीसाठी कोणते रत्न धारण करणे योग्य!

ज्योतिषशास्त्रानुसार आपल्या जीवनातल्या सुख-दु:खांचा आपल्या कुंडलीतल्या नऊ ग्रहांशी थेट संबंध असल्याचे शास्त्र सांगते. ग्रहांच्या शुभ-अशुभ योगांमुळे जीवनात चांगल्या वाईट घटना घडतात. ग्रहांचे दोष दूर करण्यासाठी आणि नवग्रहांचे शुभफळ मिळवण्यासाठी ज्योतिषशास्त्रात अनेक उपाय आहेत. अनेकदा गृहशांती करण्यास सांगितले जाते. 

ज्योतिष व रत्नशास्त्राचे अतूट नाते आहे. नैसर्गिकरित्या उपलब्ध असलेली रत्ने ज्योतिषशास्त्रात अतिशय विशेष मानली जातात. ज्योतिषशास्त्रानुसार, सर्व १२ राशींसाठी एक विशिष्ट रत्न आहे. पण, ते वापरूनही फरक पडत नसेल तर तूमच्या कुंडलीतील ग्रह कोणता आहे. त्या ग्रहानुसार कोणते रत्न परिधान करावे. आज जाणून घेऊया सर्व ९ ग्रहांसाठी कोणते रत्न सर्वात शुभ आहे. 

बाळ जन्माला आल्यावर त्याची कुंडली काढली जाते. त्यानुसार त्याच्यावर कोणत्या ग्रहाचा प्रभाव असेल. त्याला किती त्रास होणार आहे हेही त्यात सांगितलेले असते. जसे प्रत्येक ग्रहाचे एक वैशिष्ट्य आहे तसेच रत्नांचेही आहे. कुंडलीनूसार नऊ ग्रहांसाठी वेगवेगळी रत्ने परिधान केली जातात. ज्यामध्ये सूर्यासाठी माणिक, चंद्रासाठी मोती, मंगळासाठी प्रवाळ, गुरूसाठी पुष्कराज, बुधासाठी पन्ना, शनीसाठी नीलम, शुक्रासाठी हिरा, राहूसाठी गोमेद आणि केतूसाठी लसण्या ही आहेत. 

कधी बदलावे रत्न प्रवाळ आणि मोती वगळता इतर रत्ने कधीच जुनी होत नाहीत. जेव्हा मोत्याची चमक निस्तेज होते आणि ते खराब होते तेव्हा ते बदलले पाहिजेत. याशिवाय माणिक, पन्ना, पुष्कराज, नीलम आणि हिरा हे कधीही खराब होत नाही. रत्नाचे खरे फायदे मिळण्यासाठी लोकांनी ते रत्न शास्त्रात दिलेल्या पद्धतीनेच धारण करावे. रत्न धारण केल्यानंतर त्या ग्रहाल प्रसन्न करण्यासाठी असलेला मंत्रांचा जप आणि पूजा करावी.

सदर लेख फक्त सामान्य माहितीसाठी आहे. सकाळ माध्यम समूह अशा कोणताही गोष्टींचे समर्थन करत नाही. रत्न घालण्यापूर्वी ज्योतिष्य तज्ञ्जांचा सल्ला अवश्य घ्यावा.