Beauty Tips: पावसाळ्यात घ्या चेहऱ्याची विशेष काळजी; 'या' टिप्समुळं काळी पडणार नाही त्वचा

पावसाळा हा ऋतू आनंद देणारा असला तरी हाच ऋतू आपल्यासमोर अनेक समस्या उभा करत असतो.
skin care follow tips to keep your skin glowing during monsoon season
skin care follow tips to keep your skin glowing during monsoon season

पावसाळ्यात आरोग्यासोबत चेहऱ्याचीही काळजी घेण खुप महत्त्वाचं आहे. पावसाळा हा ऋतू आनंद देणारा असला तरी हाच ऋतू आपल्यासमोर अनेक समस्या उभा करत असतो. तेलकट त्वचा असलेल्या व्यक्तींना पावसाळ्यात अधिक जपावे लागते. नाहीतर त्वचेवर पुरळ, खाज होणे यांसारख्या समस्या उद्भवू लागतात. मग अनेक महागडे प्रोडक्टकडे आपले पावले वळतात. तर तुम्हाला आम्ही अशा काही खास गोष्टी सांगणार आहोत ज्यामुळे पावासाळ्यातही तुमचा चेहरा ग्लो करेल.

व्हिटॅमिन सी

व्हिटॅमिन सी एक अँटीऑक्सिडेंट आहे, जो आपल्या शरीरास रोग आणि विषारी पदार्थांशी लढण्यास मदत करते. हे आपल्या त्वचेसाठी खुप फायदेशीर आहे. त्याच्या मदतीने त्वचेवरील काळे डाग आणि काळी वर्तुळे दूर होऊ शकतात. तुमच्या आहारात व्हिटॅमिन सीयुक्त पदार्थांचा समावेश करा.

skin care follow tips to keep your skin glowing during monsoon season
Beauty Tips : चेहरा उजळ अन् डोळ्यांभोवती काळी वर्तुळे, असं कसं चालेल, या उपायांनी वाढवा डोळ्यांच सौंदर्य

ग्रीन टी

ग्रीन टी त्वचेसाठी खूप चांगले आहे. ग्रीन टीमध्ये अँटिऑक्सिडंट गुणधर्म भरपूर असतात. हे अँटिऑक्सिडंट्स वृद्धत्वाची लक्षणे कमी करण्यात आणि त्वचेचे संपूर्ण आरोग्य सुधारण्यास मदत करू शकतात. ग्रीन टीचा नियमित वापर केल्यास पिंपल्स आणि काळ्या डागांच्या समस्येपासून सुटका मिळू शकते.

skin care follow tips to keep your skin glowing during monsoon season
Beauty Tips : तुम्ही तुमच्या त्वचेचा अभ्यास केला का? कॉस्मेटिक्स कशी निवडाल?

गुलाबपाणी

पावसाळ्यात गुलाबपाणी त्वचेसाठी खूप फायदेशीर आहे. गुलाब पाण्याने तुम्ही तुमच्या चेहऱ्याला हलक्या हाताने मसाज करा. यानंतर थंड पाण्याने चेहरा धुवा. असे केल्याने तुमच्या चेहऱ्यावरील कोरडेपण कमी होण्यास मदत होईल. गुलाबपाणी त्वचेला हायड्रेट ठेवण्यासाठी चांगले काम करते. यासोबतच, तेलकट त्वचेवरील अतिरिक्त तेल काढून टाकण्यासाठी गुलाबपाणी खूप प्रभावी आहे.

skin care follow tips to keep your skin glowing during monsoon season
Beauty Care : होम मेकर असो अथवा वर्किंग वूमन; स्वतःसाठी फक्त १०मिनिटे काढाच

नारळाचे तेल

खोबरेल तेल त्वचेसाठी खूप फायदेशीर आहे. नारळाच्या तेलाने कोरडेपणाची समस्या दूर होते आणि त्वचेवर आर्द्रता टिकून राहण्यासही मदत होते. नारळाचे तेल, अँटी-बॅक्टेरियल, अँटी-इंफ्लेमेटरी आणि अँटी-ऑक्सिडंट गुणधर्मांनी समृद्ध असल्याने, पावसाळ्यात त्वचेला बॅक्टेरिया आणि संक्रमण मुक्त ठेवण्यास देखील खूप मदत होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com