Sleeping Habits : ज्यांची ८ तासात झोप पूर्ण होत नाही, त्यांना या काळात येते जास्त झोप

Sleeping Habits : आपल्याला एक चांगलं आणि आरोग्यपूर्ण आयुष्य जगण्यासाठी शांत झोपेची फार आवश्यकता असते. आरोग्य तज्ज्ञ आपल्याला सामान्यतः असा सल्ला देतात की, हेल्दी डाएट आणि २४ तासात ८ तासाची झोप घेणं आवश्यक असते. तरच आपण दिवसभराची कामं न थकता करू शकतो. हे स्टँडर्ड जरी सेट केलेलं असलं तरी प्रत्येकाचं शरीर वेगवेगळं रिस्पाँड करतं. म्हणून काही लोकांना ८ तासापेक्षा जास्त झोपेची आवश्यकता असते.

काही लोकांसाठी ८ तासाची झोप पुरेशी नाही

बऱ्याचदा आपल्याला असं वाटतं की, आपण ८ तास झोपलो आहोत आता झोपेची गरज नाही. पण तरीही काही लोकांना सूस्ती किंवा अशक्तपणा जाणवतो. आरोग्य तज्ज्ञांच्या मते दोन कंडिशन्समध्ये जास्त झोपेची गरज पडते. ज्यात ८ तासापेक्षा ९ ते १० तासांची झोप आवश्यक असते.

या कंडिशन्समध्ये जास्त झोप असते आवश्यक

१) ऋतू बदलताना

बऱ्याचदा ऋतू बदल होताना नॉर्मलपेक्षा जास्त झोप घ्यायची गरज वाटते. ऋतू बदलताना असं होणं शक्य आहे की, तुम्हाला रात्री शांत झोप लागत नाही. त्यामुळे झोप पूर्ण होत नाही, मग जास्त झोपेची आवश्यकता भासते.

२) पाळीच्या काळात

महिलांना दरमहिन्याला पाळीच्या काळात बऱ्यात आंतरीक बदलांचा सामना करावा लागतो. याकाळात थकवा आणि अशक्तपणा वाढलेला असतो. त्यामुळे या काळात किमान ९ तासांची झोप आवश्यक वाटते. तेव्हाच त्यांना आराम मिळतो.