Summer Foods : उन्हाळ्यात पिकलेला आंबा नाहीतर कच्ची कैरी खा, कारण...

Summer Foods :

फळांचा राजा आंब्याचा सिझन सुरू झाला की सगळे लोक मिळेल तितका आंबा खाऊन घेतात. कारण उन्हाळ्याचे तीन महिनेच हे फळ बाजारात मिळते. आंबा उष्ण पदार्थ असतो त्यामुळे तो खाल्ल्याने अनेकांना आरोग्याच्या तक्रारी व्हायला लागतात. पण, कच्ची कैरी खाण्याचे आपल्या आरोग्याला अनेक फायदे आहेत.

कच्ची कैरी खाणे अनेकांना आवडते. पण, ति आंबट असल्याने दात आंबतात, खोकला लागतो असे अनेकांना होते. त्यामुळेच, कच्ची कैरी खायला कोणी पाहत नाही. पण तिचे फायदे आणि खाण्याची पद्धत योग्य असली तर त्याला काहीही साईड इफेक्ट होत नाही.  

कच्चा आंबा हा व्हिटॅमिन सीचा समृद्ध स्रोत आहे. हे एक शक्तिशाली अँटिऑक्सिडेंट म्हणून काम करते. ज्यामुळे रोगप्रतिकारक शक्ती वाढते. हे तुम्हाला पुन्हा पुन्हा संसर्ग होण्यापासून प्रतिबंधित करते.

यामुळे उन्हाळ्यात होणाऱ्या आजारांपासून बचाव होतो, कच्च्या आंब्यात मिळणारे व्हिटॅमिन सी, ई आणि ए त्वचेसाठी खूप फायदेशीर आहे. (Raw mangos for health)

कच्चा आंबा खाल्ल्याने पचनक्रिया सुधारते. यामध्ये असलेल्या फायबरचे प्रमाण फुगवणे, अपचन आणि बद्धकोष्ठतेपासून आराम देते. यामध्ये नैसर्गिक पाचक एन्झाईम्स असतात जे अन्नाचे योग्य पचन करण्यास मदत करतात.

कच्च्या आंब्यामध्ये पेक्टिन असते ज्यामुळे आतडे निरोगी होतात. यामुळे आतड्यांची हालचाल व्यवस्थित राहण्यासही मदत होते.

कैरीत व्हिटॅमिन सी लोहाचे शोषण वाढवते. जर तुम्हाला ॲनिमियाचा त्रास होत असेल तर तुम्ही त्याचा आहारात समावेश करावा. हे लोहाच्या कमतरतेला सामोरे जाण्यास मदत करते कच्चा आंबा उष्माघाताचा धोका कमी करतो.

कच्च्या कैरीत असलेले मिनरल्स आणि इलेक्ट्रोलाइट्स शरीरातील पाण्याची कमतरता दूर करतात प्रेग्नेंसीमध्ये कच्चा आंबा खाणे देखील फायदेशीर आहे. व्हिटॅमिन सी आणि फोलेट सारख्या व्हिटॅमिन-खनिजांचा हा एक चांगला स्रोत आहे.

कच्ची कैरी अशी आहारात समाविष्ट करा

• कैरीचे पन्ह

• डाळ कैरी

• कैरीची चटणी