‘समाधानकारक जबाबदारी’

राधा सागर - अभिनेत्रीमला आईपणाची चाहूल लागली तेव्हा माझ्या आयुष्यातील एका नव्या पर्वाची सुरुवात झाली. त्याचवेळी माझ्या करिअरमध्ये कलर्स मराठीवरील मालिका ‘सुंदरा मनामध्ये भरली’ मालिका संपली होती. त्यानंतर ‘एक डाव’ चित्रपटही केला होता आणि इतर काही कार्यक्रम व इव्हेंट्समध्येही व्यग्र होते..आई होण्याची बातमी कळल्यानंतर पहिल्या तीन महिन्यांत विशेष काळजी घ्यावी लागते. माझं काही कार्यक्रमांत नृत्यसंबंधित काम होतं; पण डॉक्टरांनी मला धावपळ टाळण्याचा सल्ला दिला होता. कारण या काळात शारीरिक श्रम कमी करणं आवश्यक असतं, त्यामुळे मी प्रवास आणि इतर धावपळ असलेली कामं कमी केली; परंतु बाकीचे काही इव्हेंट्स व कार्यक्रम होते मी करत होते. कामं केली असली, तरी मी स्वतःची खूप धावपळ होऊ दिली नाही.या काळात मला काही लंडनचे प्रोजेक्ट्स मिळाले होते; पण त्या संधीला मला नाही म्हणावं लागलं. एक हिंदी चित्रपटाची संधीसुद्धा आली होती; तीदेखील सोडावी लागली. तरीही, मला या त्यागाची खंत अजिबात वाटली नाही.दहा वर्षं अभिनेत्री म्हणून मनोरंजन क्षेत्रात काम केल्यानंतर आई होण्याचा निर्णय घेतला होता. करिअरसोबतच आईपण अनुभवण्याचीही इच्छा होतीच. माझं स्वतःचं बाळ असावं, ही खूप इच्छा होती, त्यामुळे आई होण्याचा आनंद खूपच होता. आई झाल्यानंतर आपल्याला गोष्टी व्यवस्थित सांभाळाव्या लागतात. म्हणून मी पाचव्या महिन्यानंतर तात्पुरता ब्रेक घेतला आणि त्या काळात गर्भसंस्कार अनुभवण्यासाठी थोडा वेळ स्वतःसाठी काढला. या नऊ महिन्यांत जास्त काम न करता एकाग्रतेनं गर्भसंस्कारांमध्ये सहभागी होणं, हे मला खूप गरजेचं वाटलं..माझ्या मुलाचं नाव वीर आहे आणि तो आता एक वर्षाचा झाला आहे. पहिले काही महिने आई म्हणून आपल्या मुलाचं पालनपोषण करणं खूप मोठं आव्हान असतं. पहिले सहा महिने बाळ पूर्णपणे ब्रेस्टफीडवर असतं, त्यामुळे त्याच्या खाण्यापिण्याची काळजी घ्यावी लागते. सहा महिन्यानंतर त्याला हळूहळू खाणं शिकवायला लागतं. टप्प्याटप्प्यानं त्यांची वाढ पाहण्यात खूप आनंद आहे. बाळासोबतच्या प्रत्येक टप्प्यात एक वेगळा आनंद असतो. मला नेहमीच असं वाटतं, की कुटुंब आणि कामापेक्षा महत्त्वाची असते, विशेषतः आई होण्याची भूमिका.आई झाल्यानंतर अभिनयात पुन्हा पदार्पण करताना फारशा अडचणी नाही आल्या. बाळाची काळजी घेणं ही मोठी जबाबदारी असते. माझं काम पुणे-मुंबई दरम्यान चालतं, त्यामुळे प्रवास होतोच. यामध्ये घरच्यांची साथ खूप महत्त्वाची असते. मला माझ्या नवऱ्याचा आणि कुटुंबाचा पूर्ण पाठिंबा आहे. माझ्या माहेर आणि सासर दोन्हीकडून भरपूर साथ मिळाल्यानेच मला अभिनयात पुन्हा येता आलं. आजी-आजोबांचं बाळाकडे लक्ष असतं, त्यांच्यामुळेच मी कामासाठी बाहेर असताना मनात शांती असते.आई होऊन पुन्हा करिअरमध्ये उतरल्यावर दृष्टिकोन काहीसा बदलला आहे; पण एक आई म्हणून जबाबदारी सांभाळूनच काम करणं, हे आता माझ्यासाठी महत्त्वाचं आहे. अभिनय क्षेत्रात काही लोकांचा दृष्टिकोन बदलू शकतो; पण आपलं काम चांगलं आणि नातं घट्ट असेल, तर अडचणी येत नाहीत. एक नवीन जीव जन्माला घालणं, त्याला लहानाचं मोठं करणं, ही जबाबदारी खूप महत्त्वाची आहे आणि यशस्वीरीत्या पार पाडणं हीच माझ्यासाठी खरी आनंदाची गोष्ट आहे..फिटनेससाठी स्वयंशिस्त महत्त्वाची!.करिअरिस्ट मुलींसाठी टिप्सआईपण हा एक सुखद आणि आशीर्वादाचा अनुभव आहे. प्रत्येक स्त्रीनं तो अनुभव घ्यावा, असं मला वाटतं. आई होणं हे एक अतिशय महत्त्वाचं आणि खास पर्व आहे.आपल्या करिअरमध्ये कितीही व्यग्र असलो, तरी बाळासोबतचा वेळ घालवणं आणि त्याच्यासोबतच्या क्षणांचा आनंद घेणं खूप गरजेचं आहे. ही वेळ परत येत नाही.कुटुंब आणि करिअर हे दोन्ही जीवनात महत्त्वाचे आहेत. कुटुंबातील नाती कायम टिकवणं आणि स्वतःचं कुटुंब असणं ही अतिशय आनंददायक आणि संतोष देणारी गोष्ट आहे.आपल्या शरीरासाठी किंवा करिअरसाठी आई होण्याचा निर्णय टाळणं चुकीचं आहे. अभिनय क्षेत्रामध्ये बऱ्याच अभिनेत्री आहेत, ज्यांनी आई होऊनही स्वतःला फिट ठेवलंय.लग्नानंतर करिअरमध्ये यश मिळवलं असलं, तरी बाळासाठी वेळ काढला पाहिजे. योग्य इच्छाशक्ती आणि समर्पण असल्यास आईपणाचा आनंद आणि जबाबदारी निभावणं अवघड नाही.(शब्दांकन : आकांक्षा पाटील).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.