मुलतानी मातीत केवळ ही एक गोष्ट मिक्स करून चेहऱ्यावर लावा, त्वचेवर येईल नॅचरल ग्लो

Skin Care Tips : स्किन केअर रूटीनमध्ये मुलतानी मातीचा समावेश करणाऱ्या लोकांची संख्या भलीमोठी आहे. मुलतानी मातीतील औषधी गुणधर्मांमुळे त्वचा सतेज होण्यास मदत मिळते.

मुलतानी मातीमुळे त्वचेवरील अतिरिक्त तेल  कमी होते, त्वचा एक्सफॉलिएट होते आणि त्वचेवरील डाग देखील कमी होतात. तुम्हाला देखील नॅचरल ग्लोईंग त्वचा हवी असेल तर मुलतानी मातीचा (Multani Mitti For Glowing Skin) कसा वापर करावा, जाणून घेऊया सविस्तर...

मुलतानी माती आणि कच्चे दूध  

मुलतानी माती आणि कच्चे दूध एकत्रित करून त्वचेवर लावल्यास त्वचेला भरपूर फायदे मिळतील. या फेसपॅकमुळे त्वचेवर नॅचरल ग्लो येईल. एक चमचा मुलतानी मातीमध्ये आवश्यकतेनुसार कच्चे दूध मिक्स करा आणि हे पॅक १० मिनिटांसाठी चेहऱ्यावर लावून ठेवा. यानंतर चेहरा थंड पाण्याने स्वच्छ धुऊन घ्यावा. कच्च्या दुधामुळे चेहऱ्याच्या त्वचेल नॅचरल मॉइश्चराइझर मिळते.

मुलतानी माती आणि पपई  

चेहऱ्यावर जमा झालेली धूळ-माती व मृत त्वचेच्या समस्येपासून सुटका हवी असल्यास मुलतानी माती व पपईचे फेसपॅक लावावे. पपईचा गर व्यवस्थित मॅश करा आणि एक चमचा मुलतानी मातीमध्ये मिक्स करा. तयार झालेले फेसपॅक चेहरा व मानेवर लावावे. १५ मिनिटांनंतर चेहरा व मानेचा भाग थंड पाण्याने स्वच्छ धुऊन घ्यावा. पपईमुळे चेहऱ्याची त्वचा मऊ होते. कोरड्या त्वचेच्या समस्येतूनही सुटका होईल.

मुलतानी माती व तांदळाचे पाठी

चेहऱ्यावर नॅचरल ग्लो हवा असेल तर स्किन केअर रूटीनमध्ये मुलतानी माती व तांदळाच्या पिठाच्या फेसपॅकचा समावेश करावा. कारण मुलतानी माती व तांदळाच्या पिठातील औषधी गुणधर्मामुळे चेहऱ्यावरील मृत त्वचेची समस्या कमी होण्यास मदत मिळते. शिवाय त्वचेवरील अतिरिक्त तेलाची व मुरुमांची समस्याही नियंत्रणात येते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.