Vastu Tips: ऑफिसच्या टेबलवर आरसा ठेवणं शुभ कि अशुभ? वाचा वास्तुशास्त्र काय सांगतं?

vastu tips can we keep mirror office desk

अनेक लोक ऑफिस टेबलवर वेगवेगळ्या प्रकारच्या वस्तू ठेवत असतात. तर काही लोकांना ऑफिस टेबलवर आरसा ठेवण्याची आवड असते. विशेषतः महिला किंवा मुली, परंतु तुम्हाला माहिती आहे का की ऑफिसच्या डेस्कवर आरसा ठेवणे योग्य आहे की नाही. चला तर मग जाणून घेऊया ऑफिस टेबलवर सारसा ठेवण्यासाठी वास्तुशास्त्रात कोणते नियम सांगितले आहे.

ऑफिस टेबलवर आरसा ठेवणे योग्य ?

वास्तुशास्त्रानुसार ऑफिस टेबलवर आरसा ठेवणे शुभ मानले जाते. पण काही गोष्टी लक्षात ठेवणे गरजेचे आहे. ऑफिस टेबलवर नेहमी मध्यम आकाराचा आरसा ठेवावा. आरसा खूप लहान नसावा किंवा खूप मोठा नसावा.

जर तुम्हाला तुमच्या ऑफिस टेबलवर आरसा ठेवायचा असेल तर नेहमी असा आरसा ठेवा ज्याची मागची बाजू निळी असेल. ऑफिस टेबलवर काळी किंवा इतर रंगीत काच कधीही ठेऊ नका. यामुळे प्रगतीच्या मार्गात अडथळा येतो आणि नकारात्मक ऊर्जा वाढते.

जर तुम्हाला तुमच्या ऑफिस टेबलवर आरसा ठेवायचा असेल तर लक्षात ठेवा की तुमची प्रतिमा आरशात दिसणार नाही अशा पद्धतीने टेबलवर ठेवावे. कारण आरसा आपल्या सभोवतालची नकारात्मक ऊर्जा आपल्यात ओढण्याचे काम करते.

अशा वेळी तुमची प्रतिमा आरशात दिसली तर नकारात्मकतेचा तुमच्यावर परिणाम होतो आणि त्याच वेळी तुमच्या कामातही व्यत्यय येतो. तुमच्या यशाचे फळ तुम्हाला मिळणार नाही आणि तुमच्या कामात अनेक प्रकारच्या समस्या निर्माण होऊ शकतात.

ऑफिस टेबलवर आरसा ठेवताना लक्षात ठेवा की आरशाजवळ जास्त सामान ठेऊ नका. आरशाजवळ नेहमी स्वच्छता ठेवावी. ऑफिस टेबलवर नेहमी गोल आरसा ठेवावा. ऑफिस टेबलवर चौरस, आयत यासारख्या इतर कोणत्याही प्रकारचे आरसे ठेऊ नका.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.