World Chocolate Day 2023 : चॉकलेट खाऊन वाढवा चेहऱ्याचं सौंदर्य, वाचा चॉकलेट खाण्याचे 5 जबरदस्त फायदे

World Chocolate Day 2023 : दरवर्षी ७ जुलै हा दिवस जगभरात जागतिक चॉकलेट दिन म्हणून साजरा केला जातो. हा दिवस साजरा करण्याची सुरुवात 2009 पासून झाली. त्यानंतर चॉकलेटने लोकांच्या मनावर राज्य करायला सुरुवात केली. भेटवस्तू देण्यासाठी, मूड सुधारण्यासाठी आणि सणांमध्ये एकमेकांचे तोंड गोड करण्यासाठी चॉकलेटला प्राधान्य दिले जाऊ लागले.

चॉकलेट हे केवळ तोंडाची चव सुधारण्याचे काम करत नाही तर चॉकलेट खाण्याने अनेक आरोग्यदायी फायदे होतात. शिवाय चेहऱ्याचे सौंदर्य वाढवण्यातही चॉकलेट प्रभावी आहे. चला जाणून घेऊया चॉकलेट खाण्याचे आश्चर्यकारक फायदे.

चॉकलेट खाण्याचे आरोग्यदायी फायदे

BP नियंत्रणात राहते

डार्क चॉकलेटमध्ये फ्लॅव्हनॉल्स असल्यामुळे एंडोथेलियमला ​​उत्तेजित करते. हे रक्तवाहिन्यांचे अस्तर आहे, जे नायट्रिक ऑक्साईड तयार करते. नायट्रिक ऑक्साईडच्या कार्यांपैकी एक म्हणजे रक्तवाहिन्यांना आराम करण्यासाठी सिग्नल पाठवणे, ज्यामुळे ब्लड प्रेशर रेझिस्टंस कमी होतो. त्यामुळे ब्लड प्रेशर लेव्हल कमी असते.

डिप्रेशनमधून बाहेर काढते

उदासीनतेच्या लक्षणांमध्ये मूड बदलणे, उदास वाटणे, रागावणे आणि चिडचिड होणे यांचा समावेश होतो. अशा परिस्थितीत, डार्क चॉकलेट अशा समस्या टाळण्यास मदत करते आणि मूड सुधारण्यास देखील मदत करते.

सुरकुत्या दूर होतात

डार्क चॉकलेट सुरकुत्या दूर करण्यातही खूप फायदेशीर आहे. वास्तविक, चॉकलेटमध्ये असलेले अँटी-ऑक्सिडंट त्वचेची ताजेपणा राखतात आणि त्वचा घट्ट करण्याचे काम करतात. त्यामुळे सुरकुत्यांची समस्या दूर होऊन चेहऱ्यावर ग्लोही येतो. (World Chocolate Day)

माइंड रिलॅक्स होतो

चॉकलेटमध्ये थिओब्रोमाइन आणि फेनिलेथिलामाइन असतात, जे डोपामाइन तयार करण्यासाठी मेंदूला उत्तेजित करतात. हा हार्मोन मानवी शरीरात आराम आणि आनंद निर्माण करतो.

थकवा दूर करण्यासाठी उपयुक्त

डार्क चॉकलेटमध्ये कोको असतो, जो एक प्रभावी अँटिऑक्सिडेंट आहे. जे संपूर्ण शरीरात रक्त प्रवाह आणि ऑक्सिजन वाढवण्यासाठी ओळखले जाते. हे अँटिऑक्सिडंट्स मूड सुधारून थकवा कमी करण्यास देखील मदत करतात.