सीजेपी प्रोटेस्ट दरम्यान आज दिवसभरात देशभरातून जवळपास सात हजार जणांना अटक करण्यात आली आहे. त्यांंच्याविरोधात आता गुन्हा दाखल होण्याची शक्यता आहे. .मुंबईत विविध ठिकाणांहून पोलिसांनी ताब्यात घेतलेल्या सुमारे ६०० आंदोलकांची सुटका करण्यात आली आहे. मुंबई पोलिसांनी याबाबत माहिती दिली. या आंदोलकांना ताब्यात घेतल्यानंतर आता सोडण्यात आले असून, पुढील कायदेशीर प्रक्रिया सुरू असल्याचे पोलिसांनी स्पष्ट केले. दरम्यान, ऑगस्ट क्रांती मैदान परिसरात लावण्यात आलेले बॅरिकेड्सही हटवण्यात आले आहेत. त्यामुळे परिसरातील परिस्थितीत बदल झाल्याचे दिसून येत आहे..तब्बल ८ तासांहून अधिक तास ताब्यात असलेल्या तुषार गांधी यांना पोलिसांकडून सोडण्यात आले आहे. तुषार गांधी यांना वांद्रे येथून ताब्यात घेतल्यानंतर डी एन नगर पोलीस स्थानकात ठेवण्यात आले होते.मुख्य निवडणूक आयुक्त ज्ञानेश कुमार यांच्याविरोधातील आंदोलनात सामाजिक कार्यकर्ते सोनम वांगचुक सहभागी झाले आहेत. दिल्लीत सुरू असलेल्या CJP आंदोलनादरम्यान नेत्यांना अटक केल्याचा त्यांनी निषेध केला. भारतात अघोषित आणीबाणीसदृश परिस्थिती असल्याचा आरोप करत त्यांनी नेत्यांच्या तातडीच्या सुटकेची मागणी केली. उद्यापर्यंत सुटका न झाल्यास उपोषण किंवा पदयात्रा सुरू करण्याचा विचार करावा लागेल, असा इशाराही त्यांनी दिला..पुणे पोलिसांनी ताब्यात घेतलेल्या CJP कार्यकर्त्यांना पुणे पोलिसांनी याच पोलीस स्टेशनमध्ये ठेवलं असून याच पोलीस स्टेशनच्या बाहेर कार्यकर्त्यांनी गोंधळ सुरू केला आहे..मुंबईत धरपकड सुरू झाली आहे. ऑगस्ट क्रांती मैदानावर जाणाऱ्यांना पकडत आहेत.. DN नगर पोलीस स्थानकाबाहेर आदित्य ठाकरे, संजय राऊत, अनिल परब यांच्यासह ठाकरे गटाचे अनेक नेते दाखल झाले असून तुषार गांधी यांना सोडत नाही तोपर्यंत ठिय्या मांडणार असल्याचं त्यांनी सांगितलं.. काँग्रेसच्या सर्व खासदारांना रविवारी दिल्ली राहण्याच्या सुचना देण्यात आल्याची माहिती आहे. .बंगळुरूमध्ये शनिवारी मतदार यादीच्या विशेष सखोल पुनरावलोकनाविरोधात (SIR) आंदोलन करण्यात आलं. AISA, SFI, AIDSO आणि AISF या संघटनांचे कार्यकर्ते निवडणूक आयोगाच्या कार्यालयाला घेराव घालण्यासाठी निघाले होते. मात्र, पोलिसांनी त्यांना ताब्यात घेतलं. मुख्य निवडणूक आयुक्त ज्ञानेश कुमार यांच्या राजीनाम्याची मागणी आंदोलकांनी केली. पोलिसांच्या कारवाईनंतर संतप्त झालेल्या आंदोलकांनी या प्रकरणात कर्नाटक सरकारने हस्तक्षेप करण्याची मागणीही केली..काँग्रेस नेत्या प्रियांका गांधी वाड्रा यांनी केंद्र सरकारवर जोरदार टीका केली आहे. २५४ खासदारांना बेकायदेशीरपणे ताब्यात घेतल्याचा आणि आंदोलकांच्या घटनात्मक अधिकारांचं उल्लंघन केल्याचा आरोप त्यांनी केला. दिल्लीतील बॅरिकेडिंग, रेल्वे-मेट्रो सेवा रोखणे आणि आंदोलकांवरील कारवाईवरही त्यांनी प्रश्न उपस्थित केले. निवडणूक आयोगाच्या कथित संगनमताने निवडणुकीत गैरप्रकार झाल्याचा दावा करत, देशात हुकूमशाही सुरू असल्याचं त्या म्हणाल्या..दिल्लीनंतर आता मुंबई-पुण्यातही आंदोलकांची धरपकड सुरु करण्यात आली आहे. पुणे पोलिसांनी शनिवार वाडा परिसरातून जवळपास १०० ते १५० आंदोलकांना ताब्यात घेतलं आहे..राष्ट्रवादी काँग्रेसच्या खासदार सुप्रिया सुळे यांनी ममता बॅनर्जी आणि त्यांच्या सहकाऱ्यांना ताब्यात घेण्याच्या दिल्ली पोलिसांच्या कारवाईचा निषेध केला आहे. ममता बॅनर्जी आणि त्यांच्या सहकाऱ्यांना अटक करून पोलीस व्हॅनमधून अज्ञात ठिकाणी नेण्यात आल्याचा आरोप त्यांनी केला. तसेच, मुंबईत सामाजिक कार्यकर्ते तुषार गांधी यांना आणि अभिजीत दीपके यांच्यासह CJPच्या आंदोलकांना ताब्यात घेतल्याबद्दलही त्यांनी चिंता व्यक्त केली. शांततापूर्ण आंदोलन करणं हा प्रत्येक नागरिकाचा संवैधानिक अधिकार असून, असहमतीचा आवाज दाबण्यासाठी किंवा नागरिकांच्या अधिकारांचं उल्लंघन करण्यासाठी पोलिसी कारवाईचा वापर करणं स्वीकारार्ह नसल्याचं सुप्रिया सुळे म्हणाल्या..दिल्ली पोलिसांनी ताब्यात घेतलेल्या कॉकरोच जनता पार्टीचे (CJP) संस्थापक अभिजीत दीपके यांना त्यांच्या आजीच्या निधनाची माहिती दिल्याचं समोर आलं आहे. पोलीस सूत्रांच्या माहितीनुसार, आता आंदोलन सुरू ठेवायचं की आजीच्या अंत्यसंस्कारासाठी विमानाने परत जायचं, याचा निर्णय दीपके यांना घ्यायचा आहे..जंतरमंतरवर आंदोलनासाठी पोहोचण्यासाठी दिल्ली पोलिसांनी ममता बॅनर्जी आणि अरविंद केजरीवाल यांना ताब्यात घेतलं आहे..सी जे पी चे अध्यक्ष अभिजीत दिपके यांच्या आजीचं दीर्घ आजाराने निधन झाल आहे, नातू दिल्लीमध्ये आंदोलनात सहभागी असताना आजी सावित्रीबाई दिपके यांनी आज सकाळी राहत्या घरी अखेरचा श्वास घेतला आहे दरम्यान या दुःखद घटनेची माहिती व बातमी पोहोचताच अभिजीत दीपक यांच्या डोळ्यात देखील अश्रू आल्याचं त्यांच्या मित्रांनी सांगितलं आहे तर अभिजीत दिपके यांचे आई-वडील संभाजीनगर येथून तातडीने हिंगोली कडे निघाले आहेत सायंकाळी दिपके यांच्या आजीवर अंतिम संस्कार पार पडणार असून त्यासाठी अभिजीत ठिपके यांचे गाव असलेल्या संतुक पिंपरीमध्ये तयारी सुरू करण्यात आली आहे.भारतीय जनता पक्षाचे राष्ट्रीय प्रवक्ते आणि खासदार सांबित पात्रा यांनी दिल्लीतील जंतरमंतरवरील आंदोलनावरून विरोधकांवर जोरदार टीका केली आहे. जंतरमंतरवर जे घडत आहे किंवा दूरचित्रवाणी आणि काही समाजमाध्यमांवर जे दाखवले जात आहे, ती संपूर्ण देशाची भूमिका नाही, असे त्यांनी स्पष्ट केले. देशात सुशासनाच्या माध्यमातून शांतता आणि प्रगती सुरू असल्याचा दावाही त्यांनी केला. गेल्या काही दिवसांपासून दिल्लीच्या एका भागात काही अराजकवादी शक्ती अशांतता पसरवण्याचा प्रयत्न करत असल्याचा आरोप त्यांनी केला. देशाची राजधानी वेठीस धरणे, जाळपोळ आणि हिंसाचार घडवून आणणे, असे प्रयत्न करण्यात आले; मात्र हे प्रयत्न पूर्णपणे अयशस्वी ठरल्याचे ते म्हणाले. जमावशाहीवर लोकशाहीने विजय मिळवला असून, आंदोलनाच्या नावाखाली अराजक माजवण्याचा प्रयत्न करणाऱ्यांचा डाव उधळला गेल्याचा दावाही सांबित पात्रा यांनी केला..शिवसेना उद्धव बाळासाहेब ठाकरे पक्षाचे खासदार संजय राऊत यांनी केंद्रातील मोदी सरकारवर जोरदार टीका केली आहे. दिल्लीतील आंदोलन, आंदोलकांना ताब्यात घेतल्याचे आरोप आणि लोकशाही मार्गाने होणाऱ्या आंदोलनांवर घातले जाणारे निर्बंध यावरून त्यांनी पंतप्रधान नरेंद्र मोदी आणि केंद्रीय गृहमंत्री अमित शहा यांच्यावर निशाणा साधला. आगामी सहा महिन्यांत देशाच्या राजकारणात मोठी उलथापालथ होईल आणि मार्च ते एप्रिलपर्यंत मोदी सरकार सत्तेतून जाईल, असे भाकीत संजय राऊत यांनी केले आहे. त्यांच्या या विधानामुळे राजकीय वर्तुळात चर्चेला उधाण आले असून, केंद्रातील सत्ताधाऱ्यांच्या भवितव्याबाबत नव्या राजकीय चर्चांना सुरुवात झाली आहे..नांदेडमध्ये शहर भाजपच्या वतीने आयोजित अंगणवाडी सेविका सन्मान कार्यक्रमात साडी वाटपादरम्यान गोंधळ झाला. सेवा संकल्प अभियानांतर्गत आमदार अमर राजूरकर यांच्या वतीने कुसुम सभागृहात या कार्यक्रमाचे आयोजन करण्यात आले होते. साड्यांची संख्या कमी आणि महिलांची उपस्थिती जास्त असल्याने साड्या मिळवण्यासाठी चढाओढ झाली. यावेळी काही महिलांनी एकमेकींच्या हातातून साड्या हिसकावून घेतल्याने कार्यक्रमस्थळी गोंधळाचे वातावरण निर्माण झाले..अभिजीत दिपके यांच्या अटकेनंतर त्यांच्या आईने सरकारवर तीव्र नाराजी व्यक्त केली असून, देशासाठी आणि समाजासाठी काम करणाऱ्या तरुणाला अटक होणे चुकीचे असल्याची भूमिका मांडली आहे. सरकारच्या विरोधात आवाज उठवणाऱ्यांचा आवाज दाबण्याचा प्रयत्न केला जात असल्याचा आरोपही त्यांनी केला. चुकीचे काम करणाऱ्यांवर कारवाई होत नाही, मात्र समाजासाठी काम करणाऱ्या तरुणांवर कारवाई केली जाते, अशी खंत त्यांनी व्यक्त केली. या प्रकरणावर अभिजीत दिपके यांचे वडील भगवान दिपके यांनीही आपली भूमिका मांडली असून, मुलाच्या अटकेमुळे कुटुंबीय भावनिकदृष्ट्या व्यथित झाल्याचे चित्र समोर आले आहे..नवी दिल्ली येथे शनिवारी दहा ऑक्टोबर दोन हजार सव्वीस रोजी मुख्य निवडणूक आयुक्तांविरोधात सुरू असलेल्या आंदोलनादरम्यान विद्यार्थी आणि युवा कार्यकर्त्यांनी गुरुद्वारा बंगला साहिब येथून जंतरमंतरपर्यंत मोर्चा काढला. या मोर्चात सहभागी झालेल्या आंदोलकांनी मुख्य निवडणूक आयुक्तांविरोधातील आंदोलनात सहभाग नोंदवला. राजधानीत झालेल्या या मोर्चामुळे आंदोलनाकडे लक्ष वेधले गेले..अभिजीत दिपके यांच्या आजीचे प्रदीर्घ आजाराने निधन झाले असून, या दुःखद घटनेमुळे त्यांच्या कुटुंबावर शोककळा पसरली आहे. आजीच्या निधनाने दिपके कुटुंबावर दुःखाचा डोंगर कोसळला आहे. या कठीण प्रसंगी त्यांचे नातेवाईक आणि जवळचे आप्तस्वकीय शोक व्यक्त करत आहेत.वंचित बहुजन आघाडीचे नेते प्रकाश आंबेडकर यांनी राहुल गांधी यांच्यावर जोरदार टीका करत एकहाती वर्चस्वाचा काळ संपल्याचा थेट इशारा दिला आहे. राहुल गांधी यांना उद्देशून त्यांनी आता एकाच व्यक्तीच्या नेतृत्वाभोवती राजकारण फिरण्याचा काळ संपला असल्याचे म्हटले. त्यांच्या या विधानामुळे राजकीय वर्तुळात चर्चेला उधाण आले असून, राहुल गांधी यांच्या नेतृत्वावरून नव्या वादाला तोंड फुटण्याची शक्यता व्यक्त केली जात आहे..सोलापुरात पदवीधर आणि शिक्षक मतदारसंघाच्या निवडणुकीच्या पार्श्वभूमीवर लागू करण्यात आलेल्या आचारसंहितेचे उल्लंघन केल्याप्रकरणी आयोजक शाहजूर चौधरी यांच्याविरोधात गुन्हा दाखल करण्यात आला आहे. सत्तावीस सप्टेंबर रोजी सब्र व सोशल समूहाच्या वतीने शिलाई मशीन वाटपाचा कार्यक्रम आयोजित करण्यात आला होता. जिल्ह्यात आचारसंहिता लागू असल्याने अशा कार्यक्रमासाठी प्रशासनाची पूर्वपरवानगी घेणे आवश्यक होते. मात्र, कोणतीही परवानगी न घेता शिलाई मशीन वाटप, अन्नधान्य वाटप तसेच आदर्श शिक्षक पुरस्कार सोहळ्याचे आयोजन करण्यात आले होते. निवडणूक काळात अशा प्रकारचे कार्यक्रम घेणे आचारसंहितेचा भंग असल्याचे निदर्शनास आल्यानंतर प्रशासनाने ही कारवाई केली. या कार्यक्रमाला एमआयएम पक्षाचे अनेक नेते उपस्थित होते, तसेच पक्षाच्या फलकांचाही वापर करण्यात आला होता. त्यामुळे या प्रकरणाची राजकीय वर्तुळात चर्चा सुरू झाली आहे..दिल्लीतील जंतरमंतर येथे मुख्य निवडणूक आयुक्तांविरोधात कॉकरोच जनता पक्षाच्या वतीने आयोजित करण्यात आलेले आंदोलन रोखण्यासाठी सुरक्षा यंत्रणांनी मोठा बंदोबस्त तैनात केला आहे. शनिवारी आंदोलनाच्या पार्श्वभूमीवर पोलिसांनी आंदोलकांना रोखण्यासाठी उपाययोजना केल्याने मध्य दिल्लीतील अनेक भागांमध्ये मोठ्या प्रमाणावर वाहतूक कोंडी निर्माण झाली. रस्त्यांवर वाहनांच्या लांबच लांब रांगा लागल्याने वाहनचालकांना प्रवास करताना अडचणींचा सामना करावा लागला. आंदोलनामुळे कायदा आणि सुव्यवस्थेचा प्रश्न निर्माण होऊ नये, यासाठी सुरक्षा यंत्रणा सतर्क असून परिस्थिती नियंत्रणात ठेवण्यासाठी पोलिसांकडून आवश्यक खबरदारी घेतली जात आहे.. संविधानाचा आधार घेत खोट्या गोष्टींच्या माध्यमातून लोकशाहीला आव्हान देणे म्हणजे जनतेने दिलेल्या जनादेशाचा अपमान असल्याचे भाजपचे राष्ट्रीय अध्यक्ष नितीन नवीन यांनी म्हटले आहे. जनतेने विश्वास दाखवलेल्या नेतृत्वाच्या हातात देशाची धुरा असून, विविध राज्यांतील निवडणुकांमध्ये वारंवार पराभव झाल्यामुळे विरोधकांमध्ये निराशा निर्माण झाली आहे, असा दावा त्यांनी केला. देशाने शांततेत प्रगती करावी, हे विरोधकांना मान्य नसल्याचे सांगत त्यांनी भाजप आणि देशभक्त नागरिक विरोधकांच्या कृतींना ठाम प्रत्युत्तर देतील, असा इशारा दिला. देशात तणाव निर्माण करण्याचे आणि जनतेला भडकवण्याचे प्रयत्न केंद्र सरकार कठोरपणे हाताळेल, असेही त्यांनी स्पष्ट केले. भाजपचे कार्यकर्ते जनतेमध्ये राहून अशा प्रयत्नांना प्रभावीपणे हाणून पाडतील, असे ते म्हणाले. पंतप्रधान नरेंद्र मोदी हे नवभारताच्या उभारणीसाठी समर्पित असून, देशातील चौदा कोटी नव्हे तर एकशे चाळीस कोटी नागरिकांचा विश्वास त्यांच्या पाठीशी असल्याचा उल्लेख करत नवीन यांनी देशाच्या विकासासाठी भाजप कटिबद्ध असल्याचे सांगितले. देशात शांतता आणि समृद्धी टिकवून विकसित भारताचे स्वप्न साकार करण्याचा निर्धार व्यक्त करताना देशांतर्गत किंवा परकीय अशा कोणत्याही शक्तींच्या विरोधात ठामपणे उभे राहण्याचा इशाराही त्यांनी दिला..काल झालेल्या पश्चिम बंगाल, आसाम आणि पुद्दुचेरी येथील पोटनिवडणुकांमध्ये भाजप आणि राष्ट्रीय लोकशाही आघाडीला मोठा विजय मिळाल्याचा दावा केंद्रीय मंत्री शिवराजसिंह चौहान यांनी केला आहे. जनतेने विकसित भारताच्या संकल्पनेला आणि पंतप्रधान नरेंद्र मोदी यांच्या नेतृत्वाला पाठिंबा दिल्याचे सांगत त्यांनी विरोधकांवर जोरदार टीका केली. निवडणुकांमध्ये विजय मिळवता येत नसल्याने विरोधक रस्त्यावर अराजकता पसरवण्याचा, घटनात्मक संस्थांना कमकुवत करण्याचा आणि लोकशाहीवरील जनतेचा विश्वास डळमळीत करण्याचा प्रयत्न करत असल्याचा आरोप त्यांनी केला. या प्रयत्नांना परकीय शक्तींचेही पाठबळ असल्याचा दावा त्यांनी केला. दिल्लीतील आंदोलनावर प्रतिक्रिया देताना चौहान यांनी विरोधकांवर देशात अस्थिरता निर्माण करण्याचा कट रचल्याचा आरोप केला. स्वतःच्या देशातील नागरिकांवर अन्याय करून परकीयांना पाठिंबा देण्याची भूमिका विरोधक घेत असल्याची टीका करत त्यांनी राहुल गांधी आणि काँग्रेसवरही निशाणा साधला. देशातील उद्योजकांच्या प्रगतीचा विरोध करून सत्तेसाठी कोणत्याही थराला जाण्याची विरोधकांची तयारी असल्याचे सांगत हा देशाला कमकुवत करण्याचा प्रयत्न असल्याचे चौहान म्हणाले..आम आदमी पक्षाचे नेते गोपाल राय यांनी देशात सरकारकडून काळी आणीबाणी लादण्यात आल्याचा आरोप केला आहे. ज्ञानेश कुमार यांच्या राजीनाम्याची मागणी करण्यासाठी विद्यार्थी, तरुण, विरोधी पक्ष आणि सामाजिक संघटना जंतरमंतर येथे एकत्र येत असल्याचे त्यांनी सांगितले. सरकार ज्ञानेश कुमार यांना संरक्षण देत असल्याचा दावाही त्यांनी केला. यावेळी आंदोलन रोखण्यासाठी यंदा रेल्वे आणि मेट्रो सेवा विस्कळीत का करण्यात आल्या, तसेच मोठ्या प्रमाणावर सुरक्षा दल का तैनात करण्यात आले, असा सवाल गोपाल राय यांनी उपस्थित केला. या निर्बंधांमुळे प्रवाशांना मोठ्या गैरसोयीचा सामना करावा लागला असून, आंदोलन रोखण्याच्या नावाखाली दिल्लीतील जनजीवन ठप्प करण्यात आल्याचा आरोपही त्यांनी केला..अभिजीत दिपके यांना दिल्ली पोलिसांनी ताब्यात घेतले आहे. जंतर मंतरवर CJP ने आज आंदोलनाचा इशारा दिला आहे..सांगली : सांगली कृषी उत्पन्न बाजार समितीच्या त्रिभाजनासंदर्भातील सुनावणी पुन्हा आठवडाभर पुढे ढकलण्यात आली आहे. कोल्हापूर येथील सर्किट बेंचमध्ये आता १६ ऑक्टोबरला सुनावणी आहे. त्यामुळे सांगली बाजार समितीच्या त्रिभाजनाबाबतच्या निर्णयासाठी आणखी प्रतीक्षा करावी लागणार आहे..जयसिंगपूर : जयसिंगपूर पोलिस ठाण्यातील अधिकारी आणि कर्मचाऱ्यांना धक्काबुक्की करत दगडांनी मारहाण केल्याचा धक्कादायक प्रकार उदगाव (ता. शिरोळ) येथे गुरुवारी (ता.८) रात्री घडला. गांजाप्रकरणी कारवाईस पोलिस पथक गेले असता हा प्रकार घडला. यात एक पोलिस कर्मचारी जखमी झाला. याप्रकरणी तिघांवर जयसिंगपूर पोलिसात गुन्हा दाखल केला. समीर रशीद शेख (वय २८, रा. बुधगाव, ता. मिरज, जि. सांगली), वाहिद शकिल जमादार (२५, उदगाव, ता. शिरोळ) व दिलशाद अब्दुलमजीद खान (१९, सध्या रा. बुधगाव, ता. मिरज, जि. सांगली, मूळ गाव गणेशपूर, जि. बलरामपूर, उत्तर प्रदेश) या तिघांविरोधात गुन्हा दाखल केला. संशयितांना पोलिसांनी अटक केली. .एलनिनोच्या प्रभावामुळे महाराष्ट्रासह जळगाव जिल्ह्यात दुष्काळी परिस्थिती निर्माण झाली असून, या कठीण काळात पाणी आणि चाऱ्याला प्राधान्य देत सर्व शासकीय विभागांनी परस्पर समन्वयाने काम करावे, कामात कोणतीही दिरंगाई करू नये आणि शेतकऱ्यांना वेळोवेळी सहकार्य करावे, असे आवाहन राज्याचे पाणीपुरवठा मंत्री तथा जळगाव जिल्ह्याचे पालकमंत्री गुलाबराव पाटील यांनी केले. दुष्काळाच्या पुढील पाच ते सहा महिन्यांच्या काळात सर्व अधिकाऱ्यांनी सतर्क राहून परिस्थितीवर लक्ष ठेवावे, असे निर्देशही त्यांनी दिले. नऊ ऑक्टोबर रोजी पारोळा येथील तहसील कार्यालयात एरंडोल विधानसभा मतदारसंघाच्या दुष्काळी परिस्थितीचा आढावा घेण्यासाठी आयोजित बैठकीत ते बोलत होते. या बैठकीला आमदार अमोल पाटील, अपर जिल्हाधिकारी श्रीमंत हारकर, मुख्य कार्यकारी अधिकारी करिष्मा नायर यांच्यासह एरंडोल, पारोळा आणि भडगाव तालुक्यांतील महसूल, कृषी, ग्रामविकास, पोलीस आणि वीज वितरण विभागांचे अधिकारी तसेच विविध लोकप्रतिनिधी उपस्थित होते. दुष्काळाच्या काळात नागरिकांना आणि शेतकऱ्यांना दिलासा देण्यासाठी सर्व यंत्रणांनी जबाबदारीने काम करण्याची गरज असल्याचे पालकमंत्र्यांनी यावेळी स्पष्ट केले..सोलापुरात पदवीधर आणि शिक्षक मतदारसंघाच्या निवडणुकीच्या पार्श्वभूमीवर लागू करण्यात आलेल्या आचारसंहितेचे उल्लंघन केल्याप्रकरणी आयोजक शाहजूर चौधरी यांच्याविरोधात गुन्हा दाखल करण्यात आला आहे. सत्तावीस सप्टेंबर रोजी सब्र व सोशल समूहाच्या वतीने शिलाई मशीन वाटपाचा कार्यक्रम आयोजित करण्यात आला होता. जिल्ह्यात आचारसंहिता लागू असल्याने अशा कार्यक्रमासाठी प्रशासनाची पूर्वपरवानगी घेणे आवश्यक होते. मात्र, कोणतीही परवानगी न घेता शिलाई मशीन वाटप, अन्नधान्य वाटप तसेच आदर्श शिक्षक पुरस्कार सोहळ्याचे आयोजन करण्यात आले होते. निवडणूक काळात अशा प्रकारचे कार्यक्रम घेणे आचारसंहितेचा भंग असल्याचे निदर्शनास आल्यानंतर प्रशासनाने ही कारवाई केली. या कार्यक्रमाला एमआयएम पक्षाचे अनेक नेते उपस्थित होते, तसेच पक्षाच्या फलकांचाही वापर करण्यात आला होता. त्यामुळे या प्रकरणाची राजकीय वर्तुळात चर्चा सुरू झाली आहे..अकोला जिल्ह्यात दुष्काळी परिस्थितीचा सामना करणाऱ्या शेतकऱ्यांची आर्थिक पिळवणूक करणाऱ्या अवैध सावकारांविरुद्ध सहकार विभागाने मोठी कारवाई केली आहे. अकरा तक्रारदारांच्या तक्रारीनंतर अकरा जणांशी संबंधित अठ्ठावीस ठिकाणी संयुक्त पथकांनी छापे टाकले. या धाडसत्रात कृषी उत्पन्न बाजार समितीतील दोन ठिकाणांचाही समावेश असून, एका संचालकासह एका अडत्याची चौकशी सुरू झाली आहे. कारवाईदरम्यान कोऱ्या धनादेशांसह इसार पावत्या, कोरे बाँड, खरेदीखत, विक्री पावत्या, डायऱ्या, करारनामे, गहाणखत, सातबारा उतारे, रोकडवह्या, खातेवह्या आणि अन्य संशयास्पद कागदपत्रे जप्त करण्यात आली. या व्यापक मोहिमेत सहकार, महसूल आणि पोलीस विभागातील अधिकारी व कर्मचाऱ्यांसह एकूण दोनशे चार जण सहभागी झाले होते. महाराष्ट्र सावकारी अधिनियमानुसार संबंधितांना सुनावणीची संधी देऊन सखोल चौकशी केली जाणार असून, दोष सिद्ध झाल्यास कठोर प्रशासकीय तसेच फौजदारी कारवाई होण्याची शक्यता आहे. जप्त कागदपत्रांमधून शेतकऱ्यांच्या जमिनींच्या व्यवहारांबाबत कोणती माहिती समोर येते आणि चौकशीत आणखी कोणाची नावे पुढे येतात, याकडे जिल्ह्याचे लक्ष लागले आहे..विरारच्या ग्लोबल सिटी येथील एम व्हेन्यू इमारतीच्या तळमजल्यावरील दुकानांना शनिवारी सकाळी पाच वाजण्याच्या सुमारास भीषण आग लागल्याची घटना घडली. या आगीत सात ते आठ दुकानांचे गाळे आगीच्या विळख्यात सापडल्याने मोठ्या प्रमाणात आर्थिक नुकसान झाले. घटनेची माहिती मिळताच वसई-विरार शहर महानगरपालिकेच्या अग्निशमन दलाच्या जवानांनी तातडीने घटनास्थळी धाव घेतली. सुमारे दोन ते अडीच तासांच्या अथक प्रयत्नांनंतर जवानांना आगीवर नियंत्रण मिळवण्यात यश आले. सकाळच्या वेळी दुकाने बंद असल्याने दुकानांमधील साहित्याचे मोठ्या प्रमाणात नुकसान झाले आहे. विद्युत तारांमधील बिघाडामुळे आग लागली असावी, असा प्राथमिक अंदाज व्यक्त केला जात असून आगीचे नेमके कारण अद्याप स्पष्ट झालेले नाही..अमरावती जिल्ह्यातील भातकुली तालुक्यातील वाकी रायपूर येथे शेतशिवारातील विद्युत खांबांवरील तारा चोरीला गेल्याने शेतकऱ्यांसमोर नवे संकट उभे राहिले आहे. एकीकडे दुष्काळी परिस्थितीमुळे पिके वाचवण्यासाठी शेतकरी तुषार सिंचनाचा आधार घेत असताना दुसरीकडे विद्युत तारांच्या चोरीमुळे शेतीच्या कामांसाठी आवश्यक असलेला वीजपुरवठा खंडित झाला आहे. त्यामुळे पिकांना पाणी देण्यात अडचणी निर्माण झाल्या असून पिकांचे नुकसान होण्याची भीती शेतकऱ्यांना सतावत आहे. या चोरीतील आरोपींचा शोध घेऊन त्यांच्यावर कठोर कारवाई करावी, तसेच संबंधित यंत्रणेने तातडीने वीजजोडणी करून खंडित झालेला वीजपुरवठा पूर्ववत करावा, अशी मागणी परिसरातील शेतकऱ्यांनी केली आहे..कॉकरोच जनता पार्टीचे संस्थापक अभिजीत दिपके यांनी दिल्लीतील आंदोलनाच्या पार्श्वभूमीवर केंद्र सरकारवर जोरदार टीका केली आहे. देशातील तरुण आणि नागरिकांना सरकार एवढे का घाबरत आहे, असा सवाल करत त्यांनी रेल्वे आणि मेट्रो सेवा बंद करणे, इंटरनेट खंडित करणे, रस्ते अडवणे तसेच लष्कर आणि केंद्रीय राखीव पोलीस दलाच्या जवानांना दिल्लीत तैनात करण्याच्या निर्णयावर आक्षेप घेतला. पंतप्रधान नरेंद्र मोदी आणि केंद्रीय गृहमंत्री अमित शहा यांना स्वतःच्या देशातील जनतेविरुद्ध युद्ध पुकारायचे आहे का, असा सवालही त्यांनी उपस्थित केला. शांततापूर्ण मार्गाने आंदोलन करणे हा नागरिकांचा मूलभूत अधिकार असून, लोकांना आंदोलनात सहभागी होण्यापासून रोखण्यासाठी घरांमध्ये जाऊन सूचना देणे आणि रेल्वेतून नागरिकांना ताब्यात घेणे चुकीचे असल्याचे त्यांनी म्हटले. दिल्लीत पोहोचल्यानंतर अटक किंवा स्थानबद्ध केले तरी आपण तयार असल्याचे स्पष्ट करत, मुक्त आणि निष्पक्ष निवडणुकांसाठी तसेच देशातील लोकशाहीच्या रक्षणासाठी लढा सुरूच ठेवणार असल्याचा निर्धार अभिजीत दिपके यांनी व्यक्त केला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.