सबस्क्राईब करा
बरसात : संदेशखाली प्रकरणावरून पंतप्रधान नरेंद्र मोदी यांच्यासह भाजपचे सर्व नेते तृणमूल काँग्रेसवर टीका करत असतानाच पश्‍चिम बंगालच्या मुख्यमंत्री ममता बॅनर्जी यांनी भाजपलाच कोंडीत पकडण्याचा प्रयत्न केला आहे. ‘एकीकडे संदेशखालीबाबत मोदी चुकीची माहिती पसरवित आहेत, तर दुसरीकडे लैंगिक अत्याचाराचा आरोप असलेले राज्यपाल सी. व्ही. आनंदा बोस यांच्याबाबत ते काहीच बोलत नाहीत,’ अशी टीका ममतांनी केली आहे.
मोदी यांनी आज सभा घेतलेल्या बराकपूर मतदारसंघातच ममता बॅनर्जींनीही सभा घेतली. ममता म्हणाल्या,‘‘संदेशखालीबाबत भाजपचा डाव जनतेला समजला आहे, त्याबद्दल त्यांना लाज वाटायला हवी. मोदी स्वत: या प्रकरणाबाबत चुकीची माहिती देत आहेत. मात्र, राज्यपालांवर लैंगिक अत्याचाराचे आरोप झाले असतानाही भाजपचे नेते मूग गिळून गप्प बसलेले आहेत. वास्तविक केंद्र सरकारने राज्यपालांना राजीनामा द्यायला सांगायला हवे होते.’’
आंदोलनासाठी पैसे?
कोलकता : संदेशखाली प्रकरणातील आरोपी शहाजहान शेख याच्याविरोधातील आंदोलनात सहभागी होण्यासाठी ७० हून अधिक महिलांना प्रत्येकी दोन हजार रुपये मिळाल्याचे भाजपचा स्थानिक नेता सांगत असल्याचा व्हिडिओ सोशल मीडियावर व्हायरल झाला आहे. सुमारे ४५ मिनिटांच्या या व्हिडिओमध्ये भाजपचे विभागप्रमुख गंगाधर कायल हे महिलांना पैसे मिळाल्याबद्दल सांगत आहेत. कायल यांचा अशाच प्रकारचा व्हिडिओ मागील आठवड्यातही प्रसिद्ध झाला होता आणि यामध्ये त्यांनी संदेशखाली प्रकरणातील आरोप बनावट असल्याचे म्हटले होते. आज प्रसिद्ध झालेला व्हिडिओ बनावट असल्याचा दावा भाजपने केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.