Revanth Reddy: शहांचा 'तो' व्हिडिओ शेअर करणं भोवलं! तेलंगणाच्या मुख्यमंत्र्यांना चौकशीसाठी दिल्लीला बोलावलं

नवी दिल्ली : केंद्रीय गृहमंत्री अमित शहा यांच्या कथित फेक व्हिडिओ प्रकरणी तेलंगणाचे मुख्यमंत्री रेवन्थ रेड्डी यांना दिल्ली पोलिसांच्या सायबर युनिटनं नोटीस पाठवली आहे. यासंबंधी चौकशीसाठी त्यांना दिल्लीला बोलावण्यात आलं आहे. (Fake video of Amit Shah Telangana CM Revanth Reddy has been summoned by Delhi Police)

काय आहे प्रकरण?

आरक्षण आणि त्यासंबंधीचा अमित शहांचा एक कथित वादग्रस्त व्हिडिओ नुकताच व्हायरल झाला होता. हा व्हिडिओ फेक असल्याचं काही फॅक्ट चेकमधून समोर आलं आहे. हा व्हिडिओ तेलंगणाचे मुख्यमंत्री रेवन्थ रेड्डी यांनी आपल्या ट्विटरवरुन शेअर केला होता. त्यामुळं दिल्ली पोलिसांच्या आयएफएसओ युनिट अर्थात सायबर युनिटनं रेड्डी यांना समन्स पाठवलं असून १ मे रोजी चौकशीसाठी हजर राहण्याचे आदेश दिले आहेत. (Latest Marathi News)

दिल्ली पोलिसांनी काय आदेश दिलेत?

दिल्ली पोलिसांनी आपल्या समन्समध्ये रेड्डी यांना आदेश दिलेत की, रेवन्थ रेड्डी यांनी ट्विटरवर अमित शहांचा व्हिडिओ आपल्या ज्या मोबाईल फोनवरुन अपलोड केला, त्या फोनसह रेड्डी यांनी चौकशीसाठी हजेरी लावावी, असं या समन्समध्ये म्हटलं आहे. (Marathi Tajya Batmya)