Amit Shah: भाजप जिंकल्यास मुस्लिम आरक्षण रद्द करुन SC-ST-OBC ना देऊ - अमित शाह

हैदराबाद : भाजप लोकसभा निवडणूक जिंकल्यास कर्नाटकात लागू करण्यात आलेलं मुस्लिम आरक्षण रद्द करु आणि SC-ST-OBC ना परत करु, असं विधान अमित शहा यांनी केलं आहे. तेलंगणात एका प्रचार सभेत बोलताना त्यांनी हे विधान केलं आहे. कर्नाटकात काँग्रेस सरकारनं मुस्लिमांना ओबीसीच्या कोट्यातून आरक्षण देण्याची घोषणा केली आहे. यावरुन भाजपनं काँग्रेसवर टीका सुरु केली आहे. (If BJP wins we will scrap Muslim reservation and give it to SC ST and OBC says Amit Shah in Telangana)

तेलंगाणाच्या भोंगीर इथं प्रचार सभेत बोलताना शहा म्हणाले, काँग्रेसला खोटं बोलून निवडणूक जिंकायच्या आहेत. ते सांगता आहेत की जर पंतप्रधान नरेंद्र मोदी पुन्हा सत्तेत आले तर ते आरक्षण संपवतील. मोदींनी गेल्या दहा वर्षापासून या देशात सत्ता चालवली पण त्यांनी आरक्षण संपवलं नाही. तर दुसरीकडं काँग्रेस पक्षानं एससी, एसटी, ओबीसींचं आरक्षण लुटून त्यातील ४ टक्के आरक्षण मुस्लिमांना दिलं आहे. (Latest Marathi News)

शहा पुढे म्हणाले की, "सन २०१९ मध्ये तेलंगाणाच्या नागरिकांनी आम्हाला चार जागा दिल्या. यावेळी आम्ही तेलंगणात १० जागांहून अधिक जागा जिंकणार आहोत. तेलंगाणातील भाजपचा हा डबल डिजिट स्कोअर पंतप्रधान मोदींना ४०० पार घेऊन जाणार आहे. त्यानंतर आम्ही मुस्लिमांचं आरक्षण रद्द करु आणि एससी, एसटी, ओबीसींच्या आरक्षणात वाढ करु" आमच्या वचननाम्यात आम्ही मोदींची गॅरंटी दिली आहे. त्यांनी आजवर जे म्हटलंय करुन दाखवलं आहे. पण राहुल बाबांची गॅरंटी ही सूर्य मावळेपर्यंतही टिकत नाही, अशा शब्दांत राहुल गांधींवर शहांनी टीकास्त्र सोडलं.