Jalna Lok Sabha: तीन दिवसांनी मतदान अन् शेकडो मतदान कार्ड कचऱ्यात! जालन्यातील धक्कादायक प्रकार

जालना : जालन्यात लोकसभा निवडणुकीसाठी चौथ्या टप्प्यात मतदान पार पडणार आहे. येत्या सोमवारी, १३ मे रोजी इथं मतदान होत आहे. पण तत्पूर्वीच शेकडो मतदान कार्ड इथं कचऱ्यात फेकून देण्यात आल्याचं समोर आलं आहे. हा धक्कादायक प्रकार समोर आल्यानंतर याची चौकशी केली जात आहे. (Jalna Maharashtra Voter cards discovered thrown in the garbage investigation underway)

इतक्या मोठ्या प्रमाणावर मतदान कार्ड रस्त्याच्या कडेला असलेल्या कचराकुंडीजवळ एकगठ्ठा स्वरुपात फेकून देण्यात आल्याचा व्हिडिओ सोशल मीडियावर व्हायरल झाला आहे. हा व्हिडिओ जालना शहरातील असल्याचं सिद्ध झालं आहे. पण ही कार्ड अशा पद्धतीनं काय फेकून देण्यात आली आहेत, याचं कारण अद्याप समोर आलेल नाही. Latest Marathi News

बनावट कार्ड असल्याचा संशय

इतक्या मोठ्या प्रमाणावर मतदान कार्ड कचऱ्यात फेकून देण्यात आल्यानंतर आता त्यातील फोटो, नाव, पत्ता यावरुन संबंधित व्यक्तींची ओळख पटवण्यात येत आहे. परंतू ही मतदान कार्ड खरी आहेत की बनावट आहेत? असाही प्रश्न उपस्थित केला जात आहे. त्याचबरोबर या लोकांना मतदान करता येऊ नये, म्हणजेच मतदान प्रक्रियेत अडथळा निर्माण करण्याच्या हेतूनं ही कार्ड फेकून देण्यात आल्याची चर्चाही रंगली आहे. Marathi Tajya Batmya