Lok Sabha Election Result: भाजपची धाकधूक वाढली; एक्झिट पोल फेल तर राजकीय विश्लेषकांचे अंदाज गडबडले

Lok Sabha Election Result 2024: देशातील सर्व 543 लोकसभेच्या जागांचे कल उघड झाले आहेत. आतापर्यंतच्या आकड्यांवरून हे निश्चित आहे की भाजप सलग तिसऱ्यांदा देशात सरकार बनवत आहे, परंतु पंतप्रधान मोदींचा 400 पारचा आकडा पूर्णपणे फोल गेला आहे.
Lok Sabha Election Result 2024
Lok Sabha Election Result 2024Sakal

Lok Sabha Election Result 2024: देशातील सर्व 543 लोकसभेच्या जागांचे कल उघड झाले आहेत. आतापर्यंतच्या आकड्यांवरून हे निश्चित आहे की भाजप सलग तिसऱ्यांदा देशात सरकार बनवत आहे, परंतु पंतप्रधान मोदींचा 400 पारचा आकडा पूर्णपणे फोल ठरला आहे. परिस्थिती अशी होती की, ट्रेंड असूनही संपूर्ण एनडीए एकत्रितपणे या आकड्याला स्पर्श करू शकला नाही आणि एकटा भाजपा बहुमताचा आकडा पार करू शकणार नाही. याचा अर्थ एक्झिट पोलसह सर्व तज्ज्ञांचे दावे आणि आकडेवारी पूर्णपणे फोल ठरली आहे.

भाजपची सध्या स्थिती काय आहे?

निवडणूक आयोगाने सकाळी 11.30 वाजेपर्यंत जाहीर केलेल्या ट्रेंडनुसार भाजप 238 जागांवर आघाडीवर आहे, तर सुरत लोकसभेची जागा आधीच जिंकली आहे. याचा अर्थ भाजप कोणत्याही परिस्थितीत स्वबळावर पूर्ण बहुमत मिळवण्याच्या स्थितीत नाही. तर एनडीएबद्दल बोलायचे झाले तर ते जवळपास 290 जागांवर आघाडीवर आहे.

Lok Sabha Election Result 2024
Pune Constituency Lok Sabha Election Result : पुण्यात मुरलीधर मोहोळ यांच्या कार्यकर्त्यांनी उधळला गुलाल, नावाची पाटीही बदलली

दुसरीकडे, 2019 च्या लोकसभा निवडणुकीत केवळ 52 जागांवर घसरलेल्या काँग्रेस पक्षाने जोरदार पुनरागमन केले आहे. राहुल गांधी यांच्या नेतृत्वाखाली पक्ष एकटा 97 जागांवर आघाडीवर आहे, तर इंडिया आघाडी एकूण 230 जागांच्या आसपास आहे. अशा परिस्थितीत सर्व एक्झिट पोल आणि तज्ज्ञांचे दावे खोटे ठरत असल्याचे स्पष्ट झाले आहे.

सर्वात गमतीची बाब म्हणजे गेल्या सार्वत्रिक निवडणुकीच्या तुलनेत देशातील बहुतांश राज्यांमध्ये एनडीएला वृत्त लिहिपर्यंत आघाडी मिळाली नव्हती. अशा स्थितीत गेल्या निवडणुकीत अनेक राज्यांत क्लीन स्वीप करणाऱ्या भाजपला या लोकसभा निवडणुकीत काही राज्यांत मोठा धक्का बसल्याची चर्चा राजकीय वर्तुळात रंगली होती.

Lok Sabha Election Result 2024
Varanasi Loksabha Election Result 2024: सुरुवातीच्या कलांमध्ये मोदींना घाम फोडणारे अजय राय कोण? तीनवेळा राहिलेत भाजपचे आमदार

NDA ला सध्या कोणत्या राज्यांमध्ये किती जागा मिळाल्या आहेत?

यूपीमध्ये 38, पश्चिम बंगालमध्ये 12, महाराष्ट्रात 17, बिहारमध्ये 31, तामिळनाडूमध्ये 0, अंदमान आणि निकोबार बेटांमध्ये 1, आंध्र प्रदेशमध्ये 13, अरुणाचल प्रदेशमध्ये 2, आसाममध्ये 10, चंदीगडमध्ये 0, छत्तीसगडमध्ये 9, दादरा आणि नगर हवेलीमध्ये 1, दमण आणि दीवमध्ये 0, गोव्यात 1, गुजरातमध्ये 23, हरियाणामध्ये 0, हिमाचल प्रदेशमध्ये 4, जम्मू-काश्मीरमध्ये 2, झारखंडमध्ये 11, कर्नाटकमध्ये 20, लक्षद्वीपमध्ये 0, मध्य प्रदेशात 28, मणिपूरमध्ये 1, मेघालयात 0, मिझोराममध्ये 0, नागालँडमध्ये 0, दिल्लीत 5, ओडिशामध्ये 15, पुद्दुचेरीमध्ये 0, पंजाबमध्ये 1, राजस्थानमध्ये 13, सिक्कीममध्ये 0, तेलंगणामध्ये 7, त्रिपुरामध्ये 2 आणि उत्तराखंडमध्ये 5 जागा दिसत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.