Yavatmal Polling Booth: जेवणासाठी ठेवलं मतदान केंद्र बंद! यवतमाळमध्ये नेमकं काय घडलं?

हिवरी : जास्तीत जास्त मतदान व्हावं यासाठी शासनाकडून युद्धपातळीवर प्रयत्न केले जात आहेत. लोक कामातून वेळातवेळ काढून मतदान केंद्रांवर दाखल होत असतात. त्यामुळं मतदानाच्यादिवशी वेळ संपेपर्यंत मतदान केंद्र बंद ठेवता येत नाहीत.

पण तरीही यवतमाळमध्ये दुपारच्या जेवणासाठी मतदान केंद्र बंद ठेवण्यात आल्याचा अजब प्रकार घडला आहे. यामुळं आता संबंधित निवडणूक अधिकाऱ्यावर कारवाई होण्याची शक्यता आहे. (Yavatmal Polling Booth closed for lunch for polling officials)

वाशिम-यवतमाळ लोकसभा मतदारसंघातील यवतमाळच्या हिवारी गावातील जिल्हा परिषदेच्या शाळेतील मतदान केंद्रावर ही घटना घडली आहे. या ठिकाणी दुपारच्या जेवणासाठी तब्बल २५ मिनिटं मतदान केंद्र बंद ठेवण्यात आलं होतं. (Latest Marathi News)

मतदान केंद्राला कड्या लावून आतमध्ये निवडणुकीच्या ड्युटीवर असलेले कर्मचारी जेवण करतानाचा व्हिडिओ व्हायरल झाला आहे. यावेळी मतदानासाठी आलेले मतदार केंद्राबाहेर बसलेलेही दिसून आले आहेत. (Marathi Tajya Batmya)

एकतर मतदारांना मतदान केंद्रांपर्यंत घेऊन यावं लागतं असताना दुसरीकडं आलेल्या मतदारांना ताटकळत ठेवल्याचा हा गंभीर प्रकार घडला आहे. या प्रकारामुळं निवडणूक आयोग इथल्या कर्मचाऱ्यांवर काय कारवाई करणार? असा सवाल उपस्थित केला जात आहे.