Shiv Sangram: 'शिवसंग्राम' विधानसभेच्या 12 जागा लढवणार, लोकसभेची रणनीती काय? ज्योती मेटेंनी स्पष्ट केली भूमिका

पुणे : शिवसंग्राम संघटनेची आज पुण्यात बैठक पार पडली. या बैठकीनंतर ज्योती मेटे लोकसभा निवडणूक आणि विधानसभा निवडणुकीबाबत पक्षाची भूमिका स्पष्ट केली. यावेळी प्रदेशाध्यक्ष तानाजी शिंदे हे देखील उपस्थित होते. (Shiv Sangram will contest 12 assembly seats and Neutral for Lok Sabha Jyoti Mete explained role of her party)

लोकसभेची निवडणूक झाल्यानंतर आम्ही पुन्हा राज्यकार्यकारिणीची बैठक घेऊ. यानंतर विधानसभेची तयारी केली जाईल. शिवसंग्राम विधानसभेच्या १२ जागा लढवणार आहे, हे आम्ही गेल्याच बैठकीत जाहीर केलं आहे. विधानसभेच्या दृष्टीनं जी काही रणनीती आखावी लागेल यासाठी ज्या पक्षांची मदत घ्यावी लागेल किंवा ज्यांच्यासोबत युती करावी लागेल याचाही विचार करु. लोकसभेसाठी आम्ही तटस्थतेची भूमिका घेतली आहे, अशी माहिती यावेळी प्रदेशाध्यक्ष तानाजी शिंदे यांनी दिली. (Latest Marathi News)

राजकारणात अनुषंगिक भूमिका असतात त्यामुळं नाराजीचा प्रश्नच उपस्थित होत नाही. योग्यवेळी योग्य निर्णय घेणं यालाच राजकारणात महत्व असतं. आमचीही भूमिका अशीच होती, असं यावेळी ज्योती मेटे यांनी सांगितलं. दरम्यान, लोकसभा निवडणूक लढवण्याबाबत बीडच्या जनतेची अशी इच्छा होती त्यामुळं आमच्या संघटना पातळीवर हा विचार झाला होता. (Marathi Tajya Batmya)

जनतेचा सन्मान करण्याच्या अनुषंगानं मी बीडमध्ये लोकसभा निवडणूक लढवणार नाही अशी भूमिका जाहीर केली होती. कारण यासाठी आम्ही विधानसभेची चाचपणी केली होती, त्यामुळं जनतेच्या हिताचा आदर करण्यासाठी आम्ही विधानसभेबाबत निर्णय घेतला आणि लोकसभेतून माघार घेतली, असंही ज्योती मेटे यांनी यावेळी स्पष्ट केलं.