Hatkanangale Lok Sabha
Hatkanangale Lok Sabhaesakal

Hatkanangale Lok Sabha : मतदार यादीतील नावं गहाळ! मतदान न करता आल्याने 'या' गावातील लोक न्यायालयात करणार याचिका दाखल

तिसऱ्या‍ टप्प्यातील लोकसभा निवडणुकीचे मतदान ७ मे रोजी पार पडले.
Summary

इचलकरंजी विधानसभा (Ichalkaranji Assembly) मतदारसंघामधील नावे गहाळ झालेल्या मतदारांना एकत्रित आणून न्यायालयात दाद मागण्याचा निर्णय नागरिकांनी घेतला आहे.

इचलकरंजी : लोकसभा निवडणुकीवेळी (Hatkanangale Lok Sabha) कोरोची (Korochi Village) येथील ५० हून अधिक नागरिकांना मतदार यादीमधील नावे गहाळ केल्यामुळे मतदानाच्या मूलभूत हक्कास मुकावे लागले होते. यावेळी नागरिकांना संबंधित अधिकाऱ्यां‍नी मार्ग काढण्याचे आश्वासन दिले होते. मात्र, दुसऱ्या‍च दिवशी तुम्हाला मतदान करता येत नसल्याचे सांगण्यात आल्याने नागरिकांमधून संताप व्यक्त होत आहे.

दरम्यान, इचलकरंजी विधानसभा (Ichalkaranji Assembly) मतदारसंघामधील नावे गहाळ झालेल्या मतदारांना एकत्रित आणून न्यायालयात दाद मागण्याचा निर्णय नागरिकांनी घेतला आहे. त्यासंदर्भात वकिलांशी चर्चा झाली असून, लवकरच याचिका दाखल करणार असल्याचे युवा महाराष्ट्र सेनेचे सॅम आठवले यांनी सांगितले.

Hatkanangale Lok Sabha
'शिंदे गटाचा जिल्हाध्यक्ष राजेखान जमादारला तत्काळ अटक करा'; पत्रकार संघटनांकडून 'या' घटनेचा तीव्र निषेध

तिसऱ्या‍ टप्प्यातील लोकसभा निवडणुकीचे मतदान ७ मे रोजी पार पडले. यामध्ये हातकणंगले तालुक्यातील कोरोची येथील कुमार विद्यामंदिर या मतदान केंद्रावर मतदान असलेल्या सुमारे ५० हून अधिक नागरिकांची नावे मतदार यादीमधून गहाळ झाल्याचे निदर्शनास आले. त्यामुळे या नागरिकांना मतदानाचा हक्क बाजवता आला नाही. यावेळी संतापलेल्या नागरिकांनी केंद्रावरच ठिय्या आंदोलनाचा मार्ग पत्करला होता.

Hatkanangale Lok Sabha
Satara Lok Sabha : निवडणूक खर्चात उदयनराजे आघाडीवर तर, शशिकांत शिंदे दुसऱ्या क्रमांकावर; किती केलाय दोघांनी खर्च?

केंद्रावर वातावरण तणावपूर्ण होत असल्याने उपस्थित पोलिस अधिकाऱ्यां‍नी सहायक निवडणूक निर्णय अधिकारी यांच्याशी चर्चा करून मार्ग काढण्याचे आश्वासन दिले होते. त्यानंतर नागरिकांनी आंदोलन मागे घेण्याचा निर्णय घेतला होता. मात्र नंतर नागरिकांनी संबधित अधिकाऱ्यां‍शी संपर्क साधला असता, त्यांच्याकडून समाधानकारक उत्तर मिळत नसल्याचा आरोप करण्यात येत आहे. ज्यांना मतदान करता आले नाही, अशा नागरिकांचा शोध युवा महाराष्ट्र सेनेच्या वतीने घेण्यात येत आहे. त्यांना एकत्रित करून न्यायालयात याचिका दाखल करण्यासंबंधी हालचाली सुरू आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com