अभिनेत्री झाली खासदार; 'ती' छायाचित्रे झाली व्हायरल

वृत्तसंस्था
शुक्रवार, 24 मे 2019

बंगाली चित्रपटसृष्टीतील सर्वात सुंदर अभिनेत्री म्हणून ओळख असणाऱया एकोणतीस वर्षीय नुसरतनेही निवडणूक लढवली आणि विजयी झाली. नुसरत विजयी झाल्यानंतर सोशल मीडियावर तिचे मॉडेलिंग क्षेत्रातील छायाचित्रे व्हायरल होऊ लागली आहेत.

कोलकताः पश्चिम बंगालमधील बशीरहाट मतदारसंघातून तृणमूल काँग्रेसकडून निवडणूक लढवणारी अभिनेत्री नुसरत जहाँ (वय 29) विजयी झाली. नुसरत जहाँ विजयी झाल्यानंतर तिचे मॉडेलिंगमधील फोटो व्हायरल होऊ लागले आहेत. या निवडणूकीत नुसरतने तब्बल तीन लाख 50 हजार 369 मतांनी विजय मिळवला आहे.

कला, क्रीडा क्षेत्रात कामगिरी करणाऱया अनेकांनी लोकसभा निवडणूक लढविली. यामध्ये काहींना यश तर काहींना अपयश आले आहे. बंगाली चित्रपटसृष्टीतील सर्वात सुंदर अभिनेत्री म्हणून ओळख असणाऱया एकोणतीस वर्षीय नुसरतनेही निवडणूक लढवली आणि विजयी झाली. नुसरत विजयी झाल्यानंतर सोशल मीडियावर तिचे मॉडेलिंग क्षेत्रातील छायाचित्रे व्हायरल होऊ लागली आहेत.

नुसरतचा जन्म पश्चिम बंगालमधील कोलकतामध्ये 8 जानेवारी 1990 मध्ये झाला. बंगाली चित्रपटसृष्टीतील सर्वात सुंदर अभिनेत्री म्हणून नुसरतची ओळख आहे. कोलकातातील 'अवर लेडी क्वीन ऑफ द मिशन स्कूल'मधून तिने सुरुवातीचे शिक्षण पूर्ण केले. भवानीपूर कॉलेजमधून तिने बी. कॉमची पदवी घेतली आहे. नुसरत सोशल मीडिया इन्स्टाग्रामवर सतत अॅक्टिव्ह असते. सोशल मीडियाच्या माध्यमातून ती सतत फोटो व व्हिडिओ शेअर करत होती. सोशल मीडियावर तिचे अनेक चाहते आहेत. 2011 मध्ये तिने बंगाली चित्रपट 'शोत्रू'मधून अभिनयाला सुरुवात केली. तिच्या अभिनयाची अनेकांनी प्रंशसा केली. पुढे तिने अनेक दिग्गज कलाकारांसोबत भूमिका निभावल्या. कोलकातामध्ये राहणाऱ्या व मॉडेल असलेल्या नुसरतने 'बोलो दुर्गा माई की', 'हर हर ब्‍योमकेश', 'जमाई 420' यांसारख्या चित्रपटांतून भूमिका साकार केल्या आहेत.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Bengali actress Nusrat Jahan wins loksabha after photo goes viral